Wednesday, February 28, 2007

سؤال..حوار..بتاع..(2)

ليه تتعب أكتر... إنما ممكن تستريح علي طووووول..

Sunday, February 25, 2007

حوار..سؤال..بتاع..(1)

ده وقته ؟!
ليه لأ؟
مش عارف..
و هتعرف إزاي ؟
ممكن ينفع؟..
و ايه اللي يمنع ؟!
بلاش عقد و سيبها تمشي و شوف..

Thursday, February 22, 2007

لسه بطير


شفتها من غير مناسبه. في يوم مش معروف من أيام العمل الرسميه. مدتلي اديها نزلت اشرب منها و هي بتضحك..
شربت رقه و جمال. بصتلي نظره شوق. و خوفي أقرب خلاني اشرب من بعيد .. كنت هطير بس عنيها قالتلي استني.. كلامنا لسه ماخلصش.. خادنا الوقت
و الكلام..و انا لسه بطير حواليها اشوفها احبها اكتر واكتر.. و هي كانت بتضحك و عنيها فيها دمعه فرح و شوق.و إديها لسه فيها كمان..و لسه بطير و بشرب رقه وحب

Sunday, February 18, 2007

بنوته حلوه


ياتري لو اتجوزتك ممكن نجيب بنوته حلوه قوي كده؟..
ردت عليا و وشها بيتلون بدرجات الأحمر غير متوقعه السؤال.. ايه اللي انت بتقوله ده.. طبعا و دي محتاجه سؤال..
و نضحك و تضحك معانا الدنيا..و نكمل كلام..

Tuesday, February 13, 2007

بسرعه قبل الكلام مايغلي


مش عارفين نقولها.. مش عارفين نوصلها صح .. خايفين و مترددين.. مش عايزين الفرصه تضيع..
إعملوا زيها ولو خطكوا وحش..انجليزي عربي ,أوردي،فارسي بس نقولها..
يمكن مانعرفشي نقولها بعد كده تاني..

Wednesday, February 07, 2007

حاسس


اااه.. ايه الإحساس ده.. تكون متشال بين الحنان و الأمان بين الرقه و السلام..
و إدين الجمال و الحب..بين الصدق و الأمانه والتضحيه و الهدوء..
بين التفاهم والعقل والقلب والراحه.. حاسس بإيه؟

Saturday, February 03, 2007

مجرد حلم

جالي في الحلم إمبارح بالليل.. لابس أبيض في أبيض. وراكب حصان أبيض و الدنيا بتمطر فل أبيض.. ماتفهمونيش غلط.. ده كان محمد صاحبي الله يرحمه في الحلم..
بصلي وقالي:.. كتير مننا هيرتاحوا.. و كتير كمان هيفضلوا تعبانين..
ضحكلي و مشي بحصانه..و ضحكت أنا كمان.!!