المنحوس

حضرت مباراة الأهلي و صفاقص يوم الأحد.. و كان ليا بعض الملاحظات:

1- مافيش مباراة احضرها في أي لعبه في الإستاد او في القهوة غير يانتغلب يا نتعادل..

2- الشعب المصري طله بيشرب سجائر..و ده أكيد سبب فشل العلاقات الزوجية و قلة الإنجاب و الخنقة و السحابة السودا..

3- الناس عندها كبت غير عادي مايصدقوا يلاقوا حاجه يطلعوا فيها الكبت ده. حتي لو مش في وقته..

4- بننكسر بسرعة يعني اتعادلنا سكتنا وبطلنا تشجيع( لأننا تعبنا) و خرجنا نشتم و نلعن..

5- لسه عندي أمل ان ممكن أحضر مباراه و نكسب فيها.. و هفضل و را المباراه دي لما أشوف هتكون إمتي..؟

حب في اغنية

من قلة حظي في الحب يا جماعه بقيت أحب في سماع الأغاني..آه.. مش لاقي اللي نفسي فيه في واحده فيها كل اللي بتمناه..إللا في الأغاني..في الموسيقي الهاديه.. في الأسطورة فيروز.بسمعها يوووه.. بتعصر و اسافر ليها.. حبيبتي هي...هي ايه؟ بنت عادية.. زيها كتييير قوي حوليا.ليه طيب مش بتفكر فيهم؟دايما بيطلع عم غباء يضيعها مني.و عم غباء ده قريبك واللا قريبها..؟لا ده قريبها هي يقربلي انا من بعيد بس تصدقوا إني بفكر انه يقربلي أنا كمان قوي من كتر مابفشل في حل الغباء.عم غباء ده رخم شوية.. دايما بيطلع معاها في الوقت اللي بيتهيألي إن الأمور ماشية كويس..ماهو غبي.!!بيخلي أفكار غبيه تطلع في دماغ البنوته من دول يخليها بعد ماكانت البنت الكوول الدماغ اللي بتفكر بتمعن و ثقافه و تفتح. يخليها من بنوته ناعمه و بتقدرك و عايشة معاك الحلم اللي هتحولوه لحقيقه.. البنوته الدماغ اللبقه القوية العاقله..لوحش من الغباء المتحرك.. لبنت ضعيفه، خفيفه، تافهه،مالهاش حلم،مالهاش هدف،مالهاش رأي تصمم عليه و تحارب عشانه..لواحده عاديه مافيهاش الحاجات المميزة اللي شدتني ليها..لبنت.. زي أي بنت.. تتنازل.. تبيع..تتراجع، تجري بعيد.حبيت في الموسيقي..حبيت مع فيروز.. حبيت مع نفسي..هفضل مجنون كده لإمتي؟! لحد مالاقيها بنت اللذين دي. و هسأل عليها تقرب لعم غباء واللا لا؟!!الواحد لازم يطمئن علي نسايبه واللا ايه..مابقولشي ان البنات كلها تقربله.. ها لا.. بس علي الأقل اللي بقابلهم و بفكر ارتبط بواحده فيهم.. فبطلت افكر في الإرتباط و كفايه نكون أصدقاء.. الصداقه البريئه حلوة .. علي الأقل بسلم علي عم غباء ده من بعيد كل يوم..

كل سنة وانتم طيبيين.. و ينعاد عليكم..و مستنيكم و تعليقاتكم و الناس ترجع اقوي من الأول و انشط..

يمامه شارده

ليه اخترت للبلوجر اسم" يمامه شارده" مش حمامه او عصفور مثلا... صحيح ليه؟!!

اليمامه غير أي طائر محدش بياكل يمام محشي بيصتاد يمام. بيشوي يمام.. دائما اليمام طائر شارد بري مش اليف مش بيتربي.. مش قليل الأدب لأ غير محبوس غير مكروه علي شيء غير و غير.. عشان كده بحب اليمام منطلق علي طول حر.. مش خايف مش مرهوب..