شخبطه 3

حلوه الحياه من يوم ماسكنتي أيامي..

حلوين الساعات من ساعة ماشفتك قدامي.

و عمري بوجودك عم يغلي صيرتي بعيني انت الأحلي

و صار دقة قلبي تغني و قلبي يغار من البسمه عشفافك،

من شعر النازل عكتافك،

من هالطله غني و طار..

مروان خوري

بخصوص ملكة جمال

بخصوص ملكة جمال الروح والخفه و العقل..كله يبعتلي الصور المعبره طبعا مش "صور شخصيه" بلاش صور شخصيه خالص.والتعليق عليها و شرح الأسلوب والدماغ..بنحب بنكره ايه.ايه بيدايقنا ايه بيخلينا مبسوطين.احنا رخمين والللا بنحب الهزار والضحك اصحابنا بيقولوا علينا ايه شايفين نفسنا لينا شخصيه في وسط شلتنا واللا عاديين.. عشان أجمعه و أنشر بطريقه كويسه بعد ماظبط ونبدأ التصفيات.. عرفوا الناس و ابعتولي علي الأميل ده: lockash@hotmail.comمع بياناتكم و طبعا ممكن اسامي مستعاره . اختاروا صح عشان ده اللي هنختار عليه من خلاله و لجنة التحكيم وميعاد وبداية المسابقه و هبلغكم طبعا.البنات بسعشان دي للبنات.. أما الولاد فادورهم جاي و هنعرف هيعملوا ايه.

أنا استنتكوا تخلصوا امتحانات..

شخبطه 2

شكرا لحبك.. فهو شمس و طاووس و نعناع و ماء..

و سحابه ورديه عبرت مصادفه بخط الإستواء..

سيرت معها رياح الحب معطرة بفل وياسامين الأحباب

1شخبطه

احببتك حتي زال الغبار من كل ارجاء البلاد.. ليسطع نورك يغطي سطوح العباد.. تظل آهاتي تنبعث في ارجاء الهواء واصلة لصومعتك تؤرق نومك حتي تدركي حبي كلما تعاليت

علمت أنك تدركين لمشاعري و لكن تنكري تعاطفك و ازدهار الحب داخل ارجاء قلبك الزهيد

قطرة دمع سوداء

قطرة دمع سوداء.. تنزف أوجاع و غباء.. علي سطح الخد المتورم من جرح الأحباب..تلهبه قطرة دمع سوداء.. سوداء من تقيح الأخلاق، من بعثرة الأفكار، من فساد العقول والأحقاد.. من غدر حبيب في الليل في ظلمات الأنوار، زادها حسن الظن بمحبوب تحول الي وحش القصص المرعبه، الي غبي غادر سخيف الطباع. أنزلت قطرة دمع سوداء..قاومتها، بل حبستها داخل جفوني أيام و شهور، لكن دفعتها الذكري، دفعتها الريح الباردة من شتاء الزمن الغابر.. زمن المشاعر البريئه والعقول المليئة بالحب و الإنسانية.. فنزلت قطرة دمع سوداء.. سأتركها لتجف مع الزمن والأجواء.. لتذهب دون رجعة.. ليشفي خدي المتورم من جرح الأحباب.. لتري عيني الدنيا ..

دون قطرة الدمع السوداء..

ملكة جمال

في تجمع من التجمعات بين الأصحاب و الأحباب.. و الكلام بيجيب كلام.. و الحكاوي تكتر بينا.. بلاقي إن كل البنات حلوين..ماتتغروش قوي كده.. مش حلاوة الشكل بس.. بس كلامي و مناقشاتي و معرفتي بالناس.. المحدوده نوعا ما بالنسبه لسني و خبرتي الحياتية.. بس بسأل نفسي ليه مافيش مسابقة ملكة جمال الروح.. ملكة جمال خفة الدم.. ملكة جمال العقل والتفكير و الروح الحلوه..يمكن عشان البنات مخها في المكياج و اللبس و مش فاضيين يفكروا..موجود..؟!يمكن عشان مخ الشباب في جمال الشكل و الجسم بس و مش بيبصوا علي الجوهر كتير..موجود..؟!يمكن عشان خفة الدم و الروح الحلوة شحت في السوق اليومين دول..موجود..؟!ماظنش اننا بالتفاهه دي ولا بالتفكير ده زي مالكبار بيقولوا علينا.. أو علي الأقل اللي أعرفهم مش كده.. بنات و ولاد..والله إحنا كويسين و حلوين و بنفكر و بنحترم بعض و بنعيش و بنحارب و كتير حاجات.. حلوين من جوة و من بره..بس مشروع ملكة جمال الروح و خفة الدم دي لازم نفعّلها بطريقة ما.. علي الأقل بينا و بين بعض كمجموعات اصحاب أو أقارب..

يا جماعه

يا جماعه.. أعلن عن انضمام عضوه جديده في مدونة " جميلة بتضفض" للجميله الجديده " آيه مدحت" نرجو منها أن تطلعنا علي انتاجها الخاص والمشاركات الأخري.. نرجو من الساده الزوار مراعات فروق التوقيت و الدخول للإطلاع و المشاركة.. زيارتكم تعني لنا الكثر..شكرا.. علي المسافرين الي ماقدشيو التوجه لصاله 3..تن تن..

الجزيرة

كعادتي أحط يدي علي خدي وأتفرج علي الجزيرة من عادتي أتفرج علي أخبار الدنيا علي الجزيرة ماهي الدنيا عندي جزيرة..ناس عايشه و ناس ميته و ميتيين عايشين و عايشين ميتيين في الجزيرة و بحر كبير غويط واسع مخيف محيط بالجزيرة و ناس تانيه عايمه و ناس تانيه غارقه و ناس عايمه بس تايهه مش عارفه ترجع للجزيرة ناس غلابه ماشيين عراه. مطرودين من بيتهم في الجزيرة و ناس زيهم بيعيطوا علي أرضهم أرض الجزيرةو ناس بتجري تلعب و تاكل وتضحك من الجزيرة و هناك فوق التلال فوق الجبال فوق الصخور ناس واقفه تنظر تشوف زي الصقورعلي كل دول و يبصوا لبعض و يضحكوا و منهم بيعيطوا و غيرهم ساكتين علي كل حاجه بتحصل جوه الجزيرة زهقت و قفلت التليفزيون.. ماهو كل اللي فيه عارفه و عايشه و شايفه علي الجزيرة..

قلت اريحكم مني شويه .. كل سنة وانتم طيبين.. أعياد و حاجات و امتحانات و أجازات.. و خروجات سعيدات عليكم جميعات..

حبيبي الأولاني

يا قلبي هي مرة بنتلاقي في العمر مره، ومهما نحب تاني مابننساش.حبيبي الأولاني صعب في يوم يرجعلي تاني. بس مهما يكون ناسينا مابننساش.ده الفراق قدرك نصيبك.ليه يا قلبي اللي يسيبك يبقي طول عمره حبيبك بس ليه.ممكن انسي اسمي انسي الناس انسي أعيش بس أول مره أحب مابتتنسيش. بعيد قوي عن عنيا بعد ماكان إيده في إديا.. و كنت في حضنه هو بنام وارتاح.. قابلت كتير في بعده بس ماليش في الدنيا بعده وابتديت أعرف غلاوته لما راح.. منقول

علي صوتك بال فضفضه

" يأختي شايفه الراجل و خيابته عمل ايه إمبارح.."واحده بترغي مع جرانها الستات علي المسطبه. " يأبو رمضان كفايه طاوله انا دماغي مش ناقصه مش كفايه المدير بهدلني النهارده..." شوية رجاله علي القهوة . " طب أعمل ايه يا هايدي دلوقتي برنله و ابعتله في مسيدجات و منفضلي امبارح..." واحده بتفضفض لصحبتها عن حبها الأول.. "يا رفعت بيه البنك عمل اللي عليه شوف يسري باشا بيعمل ايه معاهم و شاركه هتكسب يا باشا الأسبوع الفات كان.." حبة رجال أعمال في النادي الللي بالدولار بيفضفضوا.. الإنسان زي الحله التيفال الضغط " البريستو" أم سفاره دي.. بنفضل نكتم في نفسينا لحد معين و لازم نطلع شويه بره الحله عشان مانفرقعش و الحلة تنفجر. مش كده؟!

لو الصفاره مقفوله هتلائينا عندنا امراض نفسيه واكتآب و شويه و هيقلب بتخلف عقلي و نمشي نكلم نفسينا في الشارع و العيال تحدفنا بالطوب.

اتكلم فضفض مع ناس ثقه هترتاح.. هتحس بالضغط اللي جوه الحله خف شويه.. لازم تفضفض..

و من ده بادعي لجميله بتفضفض و اللي بيشاركوا فكتابتها يرجعولنا بسرعه للفضفضه.. واللا الحله لسه علي النار..

كلام جميل كلام معقول3

A gentle word like a spark of light,Illuminates my soul And as each sound goes deeper,It's YOU that makes me whole,There is no corner, no dark place,YOUR LOVE cannot fill..And if the world starts causing waves,It's your devotion that makes them still, And yes ..you always speak to me,In sweet honesty and truth. Your caring heart keeps out the rain,YOUR LOVE, the ultimate roof..

David G.

كلام جميل كلام معقول2

When life is empty With no tomorrow, And lonliness starts to call.. Baby don't worry. Forget your sorrow Cause love's gonna conquer it all ..
When you question me For a simple answer I don't know what to say , But it's plain to see If you stick together You're gonna find the way
So don't surrender Cause you can win In this thing called love ..

كلام جميل كلام معقول 1

كلام جميل كلام معقول :" إمبارح بالليل.. وانا سهران الليل كنت بكلم صورتك و حدي و جايب سيرتك وايا نجوم الليل..
ايه يعني لو هضيع بعدك يومين ايه يعني لو هدمع بعدك دمعتين ..

اجرحني دلوقتي بلاش بعدين.. انا كنت باقي عليك و خلتني أخسرك..

انا مش هقول بعدت ليه و ايه غيرك..و البعد لو كان صعب بكره استسهله..

لطشة برد

لطشة بردأكيد بتحس انك مش مظبوط. حاسس إنك مصدع و ملخبط.أكيد لطشة برد..بطنك وجعاك و مالكشي نفس للأكل ماتفكرش في حاجه تانية .. هي صدقني لطشة برد..عايز تبعد وتنام.. مزاجك وحش..أكيد "مش احتمال" لطشة برد..حبيبتك سابتك كالعاده و متعذب و بتفكر كتيييررر.. صدقني بتكدب علي نفسك.هي مش أكتر من لطشة برد..تعبان من الشغل واللي فيه. أوهام يابني هتلاقيها لطشة برد..المهم انك لازم تقوم من لطشة البرد بنت اللذين..لازم تخف من لطشة البرد..

أول عباس

مكرم عبيد يا شباب؟ آه إركب..سلامو عليكم.. محدش رد غير واحده زي القمر .. وشها يفتح النفس للكلام..و عليكم السلام ورحمة الله..و عشان هي بنت حلال الدنيا اتقفلت في وشي و الميكروباص اتملي مافيش غير مكان جمبها.. في حد جمبك؟ لا اتفضل..الناس مقمات يا جماعه.. كنت نازل أول عباس.."عباس العقاد" وطلعت هي كمان. ممكن تقوله أول عباس.. حاضر مانا نازل معاكي. لسه شويه.. مش فيه عربيات بتدخلني جوه عباس.. قولتلهاعباس كله عربيات بتدخل جواه.. هتلاقي كتير. انت راحه جوه عباس قوي واللا في الأول؟لا شوية بس اصل رجلي توجعني و مش قادرة اتمشي في الحر ده. الجو وحش النهارده. هزيت دماغي ببلاهه آه الجو فظيع.اللي نازل أول عباس.. ايوه يا باشا..نزلت و هي ورايا.و من حظي الجميل انها كانت هتقع و سندت علي إيدي.. ميرسي.. خلي بالك.. بصي اركبي من هنا و هو هينزلك في الحته اللي انت عايزاها.. ميرسي قوي.. باي.مشيت و انا باصص عليها.. أكيد الصدف الحلوة اللي بتقابل الواحد دي بتعمل حاجات أحلي للواحد كمان. بس هو عباس دايما بيهدينا كل فترة كده بحاجه حلوة تفتح النفس للإستمرار في يومنا الغريب.. ميرسي عباس..

واحشني قوي

زي النهارده من 7 سنين عرفته.. زي مايكون امبارح.. شايفه قدامي أهو بيلعب معانا فيفا كورة علي الكمبيوتر في الدورة اللي بينعملها مع بعض .. كان دايما بيغلبني.أهو داخل في ايده طبق الحلويات المشكل بتاع كل عزومة رمضان كعادته. بيصلي معانا المغرب قبل مانروح نتفرج علي الماتش في الكافيتريا بتاعتنا..فاكره و أنا برغي معاه بالساعات قبل ماننام في اسكندريه في الصيف لحد الفجر..بنشرب نسكافيه علي النيل في النادي في عز الشتا و بيحكيلي علي البنت اللي حبها..و حلمه ماكملش..الله يرحمك يا " محــمد".. واحشني قوي..

مقابلة

قابلتها بعد فترة غياب.. لمست اديها بسلام..

كان في عيني كلام.. و عنيها كمان..

بس سكوتنا بإبتسامه قلت و قالت كتير كلام..

غباوه

عجبني كلام لواحد فنان علي الأقل بالنسبالي .. كتبه في طفاية و دي تصغيرتقتوقه بالدلع .. كان بيتكلم علي الغباء و الأغبيا.. بصراحه هوموضوع مهم بالنسبه الي لأنهم كتروا قوي..

ايوه .. الأغبياء او البيعملوا نفسهم أغبيا.. كتروا في الكون.. كتروا في الحياه.. و ابتدينا نعاني منهم في حياتنا من زماااااان...

بس اللي محيرني .. ليه هوما اغبيا؟؟ أو ليه هما بيعملوا نفسهم أغبيا؟؟!!

و ليه دايما هما اللي بيعترضوا طريق البحث عن سبب الهم و الغم في حياتنا.. بنلاقي انهم ليهم اليد الطولي فيه..!! والقصيرة كمان..

يوم الحب

هتقولولي عندنا عيدين بس الصغير والكبير هقولكم لما نسعد يتيم في يوم نفضي فيه من روتين الحياة والشغل و نحاول نسعده يبقي يوم اليتيم. و لما في يوم نفتكر أمنا اللي عمرنا ماننساها بس عشان مشاغل الدنيا و الناس ، نهديها هدية و لو بسيطه نفرحها يكون يوم الأم.. و اليومين دول يوم الحب. اصله عملوه مرتين في السنه من قلة الحب اللي بين الناس.. و عشان يوم الحب.. بقول لكل اللي بحبهم : بحبكم من غير عوزة من غير مناسبة من غير مصلحه.. واللي بيحبوني بحمد ربنا علي النعمة حب الناس .. و يا رب يزيدوا كمان و كمان.. و اللي مش بيحبوني بقولهم: طظ فيكوا .. و طظ و نص.. و البنت اللي نفسي أحبها مستنيكي تيجي في أي وقت بس تيجي..و البنت اللي كنت بحبها.. مش هنساكي و مكانك في عقلي وقلبي موجودين. بس الخير يبقي دايما بدل الحاجات الوحشه. و طبعا طول مابنحب ربنا ربنا هيحبب فينا خلقه.. و كل يوم حب وانتم محبوبين..