زي النهارده من 7 سنين عرفته.. زي مايكون امبارح.. شايفه قدامي أهو بيلعب معانا فيفا كورة علي الكمبيوتر في الدورة اللي بينعملها مع بعض .. كان دايما بيغلبني.أهو داخل في ايده طبق الحلويات المشكل بتاع كل عزومة رمضان كعادته. بيصلي معانا المغرب قبل مانروح نتفرج علي الماتش في الكافيتريا بتاعتنا..فاكره و أنا برغي معاه بالساعات قبل ماننام في اسكندريه في الصيف لحد الفجر..بنشرب نسكافيه علي النيل في النادي في عز الشتا و بيحكيلي علي البنت اللي حبها..و حلمه ماكملش..الله يرحمك يا " محــمد".. واحشني قوي..
6 comments:
البقاء لله
احساسك باين قوي وبجد وانابكتب مكنتش عارفه اكتب ايه بس الي اصعب من الي انت فيه انك تفقد صديق وهو عايش والمشكله انك حظرته كتير قبل البعاد وهو كان بياكد ان انت اغلي حاجه عنده ومش ممكن يستغني عنك
انا اسفه طولت عليكم ويمكن الموضوع مش نفس الي انا بتكلم فيه بس ده الي جه علي بالي وانا بكتب وفكرت اعتبرها ماتت
علشان اهون علي نفسي
الطائر الحزين
كلامك بسيط لكن اد ايه خلاني احس بحزنك علي محمد والاهم انه بيعبر عن وفائك ليه
ربنا يرحمه ويصبر كل اللي بيحبوه
اعتقد ياجماعة ان الوفاء بيعبر عن اسمي معاني الحب بين البشر
احبك سواء كنت معي او لم تكن معي
dondon
محمد مش غالي عندك بس يا أحمد ولا نسيناه بس الدنيا و المشاكل.. إنت طيب قوي يأحمد.. و مش عارفه ماعرفناكشي من زمان ليه.. ربنا يخليك لينا..و ليا كمان ..
$$يويو$$
مشش عارفه مين محمد بس كفايه انك كنت صاحبه في يوم من الأيام..لو يعرفوا الناس الأشخاص المميزين بيحبوهم أد ايه.. كانوا قدروهم.. ربنا ييرحمه.. بنحبك يأحمد..
جاسمين..
و ليه تهوني هلي نفسك مادام ماتستحقش تكملي معاها و تقدميلها الحب ده كله
كلام جميل كلام معقول.. " أحبك سواء كنت معي او لم تكن معي..""
Post a Comment