عاجبني فيكي شقاوتك.عاجباني الحرية فيكي.عاجبني الخفة في كلامك.. عاجبني بساطة جمالك..
حابب فيكي الرقة و القوه و الصراحه.
حاسس بالأنوثة و الدلال. بس مش محال.. إني أكون ليكي..عاجباني الحرية فيكي.
بشوفك أيام جريئة و حزينة أيام. فرحك ليا حقيقة جنوني، عشان إنت الجميلة بيكون ليكي السلام.سلامي ليكي بيعشني في دنيا حلوه فيها نورك و شمسك و أيدي في أديكي.. عاجباني الحرية فيكي..
11 comments:
تسمحوا لي اكون مكانها واجواب
عاجبني فيك عنفونك ...عاجبني انطلاقة احلامك ..عجابني القوه في كلامك ...عجابني اصالة كيانك ...حابه فيك الرجوله والشهامه ....حاسه بالامان في احضانك ..بس اني اكون ليك حلم بعيد مش مستحيل ياااااه بشوف جرائتي من امانك وحزني علي بعادك وفرحي وانت معايا مجنونه بك وبهؤاك شمسي تكون قمري تكون انت كل شيء لي في الوجود
الكلام مره مره جميل ما بعرف شو اقول عليه سواء كلام جميل وكلام مش معقول مقدرش اقول حاجه عنه
غير ان اللي يحب بجد يوصف بجد من كل قلبه يرسم اجمل لوحه عن حبيبه
عجباني فيك دماغك.. والدفا اللي في عنيك.عجباني في حنانك علي القسوة بتلاقيها فيهم.رغم الحدود وال طباع.بلاقي فيك الجمال. بلاقي فيك القوة بلاقي فيك كل حاجه حلو.
كلامك جميل يا أحمد زي ماتعودنا بس دي حاسه فيها بالنشاط بالحيوة.. يمكن عشان الجو حر؟؟ عاجبني..
نازلين معاكسه في الواد كده ليه؟ واللا عشان الواد حنين و قلبه ابيض و ابن ناس يعني.. ايه ده انا كمان بعاكس.. عجباني البنت و الموضوع و الفكرة و الألفاظ و الموقف نفسه.. عجباني الحرية..
اكيد بيبقي حلو لما حد يبص لانسان في حياته بالنظرة دي
الانسان دا صديق..حبيب..انسان عرفته في وسط زحمة الحياة خلاص
لكن
بالرغم من الزحام
وكتر الدوشة والكلام
عيون اتلاقت..ماقدرش ضجيج الحياة يقطع نظرتها
كل شخص شاف في التاني شيء جميل
قد يذهب الاشخاص لكن تبقي صورة جميلة لهم في القلب والعقل
وعجبني علي فكرة كلامك الجميل يا اية واحساسك الحلو برضه
عجبنى أوى كلماتك يا لوكاش
عجبنى فكره البوست
وعجبنى اختيار التعبيرات
عجبنى الحريه والانطلاقه فيه
عجبنى الشقاوه الممزوجه بالغزل
عجبنى ابداعك فى الوصف
تحياتى
اقول ايه؟بعد كلامكم اتكسف كلامى وقالى خليني مستخبى بدل ما اتكسف اكتر من كده
عاشقة ضوء القمر
عاجبني كلامكم الجميل..
حبيت اضيف حاجه .. ان حبيت الموضوع ده بجد وانا بكتبه كنت مبسوط بيه و حاسس اني باخد حمام منعش و بشرب فيروز ..بس..بس..ميرسي للي علقوا و بجد كلامكم حلو و تعليقاتكم هي اللي مخلياني اكتب و اكتب..
ماشي يا عم المنعش طب مش كنت تبعت لنا احنا كمان فيروز عشان نفرفش ونعنعش زيك كده ماشي ياعم ماشيه معاك وعقبلنا
يااااه
فكرتني بجملة كان قالهالي مرة
قاللي إنتي حريتي
وكتب على الماسنجر عنده.. الحرية امرأة
ايوة انا حريته.. وايوة كان حاببها فيا
وايوة سابني عشان ماكنتش مناسبة ليه
تفتكر الحرية هي السبب؟؟
Post a Comment