أيوه هستناك بشوفك كل يوم قدامي. بستناك.. بلبس فستاني وافتح شباكي علي أخره و اشوفك هناك. ايوه انت بعيد عني و مش قدامي بس راجعلي و هستناك. مش بحر اللي بينا ولا شط بعيد طويل.. مش بينا مشاكل و عقد . ولا قال وقولنا و هما . بينا شوق و لهفه و حب. شايفاك.. ايوه انت هناك رافع ايدك بتحية و سلام و عنيك بتلمع بدمعه شوق . وهستناك كل يوم في شباكي و البس فستاني و أشوفك هناك. مش هتعب من الوقفه مش هتعب من البحر مش هتعب استني عنيك تيجي و اغرق فيها يا بحر.. و هستناك في شباكي
10 comments:
بستناك بتاعت ايليسا..هاها بهزر طبعا..
مش هعيد وازيد اوقول افكارك جديده و حلوة و كلامك احلي في الوصف والتعبير..اظنك حفظت خلاص بس زياده تأكيد
ياريت فعلا اللي بيحبوا بعد يبعدوا عن قالوا وقولنا و هما زي مانت كاتب.ياريت فعلا الاخلاص يبقي زي مانت راسم ماتفرقشي الحدود والبعد والاماكن عن الحب و الاشتياق و اللهفة و المعزة.
يا جمالك وانت شايف حبيبك و هو مش قدامك راسم صورته في خيالك و قدام عينك طول الوقت.حلوة صورة بنت مستنية تشوف حبيبها جميل الاحساس..
احساس جميل قوي ورقيق قوي
بس في حب كده دلوقتي اظن ان في ناس كتير المشاعر مش بتفرق معاهم اليومين دويل ومفيش حد بيستني حد علي امل ويصبر نفسه بذكريات جميله بس للاسف كلها ذكريات وبس ويمكن يكون سبب البعد هو كلام الناس
انا اسفه يمكن النظرة متشائمة بس عندي الاحساس ده اليومين دول ان مفيش حاجه اسمها حب من غير مصلةكل العلاقات قائمة علي المصالح وبس
الطائر الحزين
سامحني علي الغياب بس اعمل ايه انت اكتر واحد عارف الظروف اللي انا فيها وحشني موضوعاتك وكلامك
مقدرش اقول غير كلام جميل وكلام مش مغقول مقدرش اقول حاجه عنه
مش عارفة اقول ايه بس انت جيت على وتر حساس اوى عندى لانى بحب البحر
شايفاه لانها بتحبه وصورته مابتفارقش خيالها
عينيها باصة له وكل ملامحه مرسومة فيها لانها بتموت فيه فعلا دى صورة الاخلاص اللى اى حد يحلم يلاقيها مش بس في الحب لكن في اى علاقة سواء حب اخوة صداقة ولو حتى زمالة
عاشقة ضوء القمر
هاستناك.....يااااااه يالوكاش
ايه دا ..كلامك واحساسك حلو وتعبيراتك بالرغم من بساطتها بس فيها حاجة بتوصل كده بسرعة
اكيد عشان بتحبه وعارفة اد ايه هو بيحبها هاتستناه
تتزوق وتكون حلوة زي ما بيحب يشوفها
تستناه مع حبايبهم واصحابهم
البحر والشباك
والدموع رغم انها علامة حزن لكن
دمعة تيجي من شوق اكيد دمعة حلوة
اه نسيت اسألك
اشمعني احساس الانثي هو اللي ماشي معاك كده في اخر موضوعين
مش بهزر علي فكرة لكن اكيد في سر
دندن:
فكرت لما اتقمص تفكير و احساس انثي ياتري كلامي هيكون ازاي تفكيرها هيكون ازاي..وانت مش عارفه اني بحب البنات واللا ايه..و بعدين سمية بتسلم عليكي.و الحمد لله التجربة باين عليها كويسه بدليل ان موضوعي عجبكوا.
الطائر الحزين:
انت فين؟ بتروحي وتغيبي و ناسيه حبايبك بس هستناك.. ايه بس الكلام الكبير ده اخجلتي تواضعنا.مش تشاؤم يا طائر ده يمكن من التجارب اللي خضناها بتكون جوانا فكره عامه عن القصه.يمكن تتغير الفكرة او تتعدل لما نخوض تجربة تكمل صح او تكون نتايجها أحلي من اللي فات.وتقريبا معادها لسه ماجاش.
ضي القمر:
الاخلاص في العلاقه.نقطه كويسه قوي مسكتيها. ده فعلا نادر او قليل الواحد يلاقيه في الزمن ده يمكن يكون ليكي اصحاب كتير بس الاخلاص من صديق واحد او اتنين بالكتير دي المشكله.
جاسمين:
التأكيد مفيد و ميرسي بتكسفيني كده..
وزي ماقلت الاخلاص
آية مدحت:
مش حجه..
ياه..ياه..مش عارفه اقولك ايه غير انك عايشتني في لحظة جميله.عيني عليك بارده متقمص شخصية المرأة ولا اجدعها واحده..هاهاها.. وانااقولالبنات بتموت فيك ليه .بهزر يا لوكش..بجد كلامك علي لسان المرأة ده الجديد منك و جديد في كتابات المجموعه كلها تقريبا.. و كالعاده بتنقي الألفاظ والتعبيرات.. حاله جميله الواحد حبها من كلامك و الصورة اللي بتنقيها بعنايه بجد توصف كلامك اللي واصفها.
ايه يا حاج.. البحر وحشك صح. شايف ده في كتاباتك. نفسك في اسبوع استجمام و مرمطه في البحر والرمله و الفسح و الهزارو العيال و البنات صح.. حاسس بيك..
بس تعرف لو فيه اخلاص و فيه ود بجد مش هتبقي غريبه ان واحده او واحد يحس بالاحساس اللي انت بتكتب بيه ده.. عملة نادرة زي كده..هيهيهيهي..
Post a Comment