من قلة حظي في الحب يا جماعه بقيت أحب في سماع الأغاني..آه.. مش لاقي اللي نفسي فيه في واحده فيها كل اللي بتمناه..إللا في الأغاني..في الموسيقي الهاديه.. في الأسطورة فيروز.بسمعها يوووه.. بتعصر و اسافر ليها.. حبيبتي هي...هي ايه؟ بنت عادية.. زيها كتييير قوي حوليا.ليه طيب مش بتفكر فيهم؟دايما بيطلع عم غباء يضيعها مني.و عم غباء ده قريبك واللا قريبها..؟لا ده قريبها هي يقربلي انا من بعيد بس تصدقوا إني بفكر انه يقربلي أنا كمان قوي من كتر مابفشل في حل الغباء.عم غباء ده رخم شوية.. دايما بيطلع معاها في الوقت اللي بيتهيألي إن الأمور ماشية كويس..ماهو غبي.!!بيخلي أفكار غبيه تطلع في دماغ البنوته من دول يخليها بعد ماكانت البنت الكوول الدماغ اللي بتفكر بتمعن و ثقافه و تفتح. يخليها من بنوته ناعمه و بتقدرك و عايشة معاك الحلم اللي هتحولوه لحقيقه.. البنوته الدماغ اللبقه القوية العاقله..لوحش من الغباء المتحرك.. لبنت ضعيفه، خفيفه، تافهه،مالهاش حلم،مالهاش هدف،مالهاش رأي تصمم عليه و تحارب عشانه..لواحده عاديه مافيهاش الحاجات المميزة اللي شدتني ليها..لبنت.. زي أي بنت.. تتنازل.. تبيع..تتراجع، تجري بعيد.حبيت في الموسيقي..حبيت مع فيروز.. حبيت مع نفسي..هفضل مجنون كده لإمتي؟! لحد مالاقيها بنت اللذين دي. و هسأل عليها تقرب لعم غباء واللا لا؟!!الواحد لازم يطمئن علي نسايبه واللا ايه..مابقولشي ان البنات كلها تقربله.. ها لا.. بس علي الأقل اللي بقابلهم و بفكر ارتبط بواحده فيهم.. فبطلت افكر في الإرتباط و كفايه نكون أصدقاء.. الصداقه البريئه حلوة .. علي الأقل بسلم علي عم غباء ده من بعيد كل يوم..
5 comments:
ايه يا عم الحاجات الحلوه دى...بينى وبينك عم الغباء ده قريبنا كلنا بس فى اوقات اوقات ..بس ناويه اتبرى منه
وانت لاقيت كام واحده تقرب لعم غباء ده؟؟ ها..و مش وحش انك تفضل مع فيروز لأنها شايلانا كلنا يا احمج حمالة اسيا..
يويو""
bas ana ma3rafsh 3m ghaba2 dah ye2rabli walla la2>> a3raf meneen ya ahmed mish 3yza ye7sali zay keda, atbarra menno 3la tool.
" JASMINE"
btkhtar 3naween el bloggers bto3ak besara7a bekhebra, 7elwa awe bas ew3a tekon begad, ha,!
" JASMINE"
هو اكيد قريبك يا جيسي بس انت لسه ماقبلتهوش اسألي عليه كده هيقولولك.. و بعدين المهم هتعرفي تواجهيه صح والللا هيبهت عليكي ..هيهيهيهي
Post a Comment