عاجباني الحرية فيكي

عاجبني فيكي شقاوتك.عاجباني الحرية فيكي.عاجبني الخفة في كلامك.. عاجبني بساطة جمالك..

حابب فيكي الرقة و القوه و الصراحه.

حاسس بالأنوثة و الدلال. بس مش محال.. إني أكون ليكي..عاجباني الحرية فيكي.

بشوفك أيام جريئة و حزينة أيام. فرحك ليا حقيقة جنوني، عشان إنت الجميلة بيكون ليكي السلام.سلامي ليكي بيعشني في دنيا حلوه فيها نورك و شمسك و أيدي في أديكي.. عاجباني الحرية فيكي..

زي مانا يمامة شارده

لسه زي مانا يمامه لسه زي مانا يمامة شارده.. رغم الحاجات و الصعاب و المواقف. لسه في قلبي نبض و حياة. بيضخ دمي في عروقي في جناحي في عقلي وقلبي و لسه بطير.مريت علي ريح شديده. عدي عليا طيور شريده. عرفت يمام وحيد، و يمام غريب، و طيور غادرة وفاشله .مريت بأيام جوع و عطش أيام شتا و برد .. تعبت ساعات و ساعات زهقت، ساعات بعيش الدنيا و بتعيشني الدنيا ساعات.

سابوني اصحاب و صاحبوني جداد. حبوني و حبتهم و سابوني و رجعوا و منهم مارجعش.خطفته السما الوسيعه الضلمة و اللي نورها يعمي العيون.بس رغم الحاجات والصعاب و المواقف.. لسه في قلبي نبض و حياة. لسه زي مانا يمامة شارده.ولسه بطير..

فاذكرني يوما

تمنيته يوما لأعانقه. لأشبعته حنانا و حبا..

ذلك الحب..يختار من يحب و ليس بيدنا نحن المحبين قرار.

أحببتك يا حب.. فاذكرني يوما

فاكره الصورة دي؟

فاكره الصورة دي؟ بتضحكي ليه؟وجهها يمتلئ بحمرة الخجل وتقول:ماتتنسيش و مانساش وقتها كنت عايشه احلي لحظات في دنيتي.و فاكره لما لمحتي ضوء الفلاش حصل ايه.؟طبعا كنت هقع بس لحقت نفسي.فاكره كنتي بتفكري في ايه..و بعدين معاك.. ايوه فاكره كنت بصه في لا شئ تحت ضي الشمس اللي مش باينه في ضل الشجر اللي بره السور. بفكر في كلامي . انا ليه قلتهولك. و ياتري هتفهمني والا هتتغير معاملتك ليا. و ليه انت و ليه دلوقتي.

و لقيتي جواب وقتها؟ أكيد لقيت لقيتك بتاخد الصوره و وشك كله طيبه و رقه.

و ده من ايه يعني.. واللا من اللي حصل بعد كده.؟

مش عارف بقي يبقي العيب فيك. بس افتكر وقفتك جمبي ساند بأيدك علي الشباك و باصصلي.. و مش عايزه اقولك ان كلامنا وقتها كان احلي وقت مريت بيه.محسيتشي بالوقت لحد مالبواب جالنا وضحك وقالنا انه لازم يروح ولازم يقفل.ساعتها اديتله بونبون وقلتله ماتكلهاش واديها لأبنك.. فاكر.. نضحك احنا الأتنين.و أرجع الصورة تاني في ا لظرف الأبيض..و نكمل الطريق ماشيين..و الضحكه لسه علي شفايفنا.

حسيت؟

حسيت في يوم انك أخدت قلم علي قفاك؟ إنك بطيخة في الحياة ولو ليوم واحد؟ طب حسيت ولو ل 10 دقايق انك توم كروز او إنك جوليا روبرتس؟

لو حسيتوا بحاجه منهم يا ريت تقولولي..