مكرم عبيد يا شباب؟ آه إركب..سلامو عليكم.. محدش رد غير واحده زي القمر .. وشها يفتح النفس للكلام..و عليكم السلام ورحمة الله..و عشان هي بنت حلال الدنيا اتقفلت في وشي و الميكروباص اتملي مافيش غير مكان جمبها.. في حد جمبك؟ لا اتفضل..الناس مقمات يا جماعه.. كنت نازل أول عباس.."عباس العقاد" وطلعت هي كمان. ممكن تقوله أول عباس.. حاضر مانا نازل معاكي. لسه شويه.. مش فيه عربيات بتدخلني جوه عباس.. قولتلهاعباس كله عربيات بتدخل جواه.. هتلاقي كتير. انت راحه جوه عباس قوي واللا في الأول؟لا شوية بس اصل رجلي توجعني و مش قادرة اتمشي في الحر ده. الجو وحش النهارده. هزيت دماغي ببلاهه آه الجو فظيع.اللي نازل أول عباس.. ايوه يا باشا..نزلت و هي ورايا.و من حظي الجميل انها كانت هتقع و سندت علي إيدي.. ميرسي.. خلي بالك.. بصي اركبي من هنا و هو هينزلك في الحته اللي انت عايزاها.. ميرسي قوي.. باي.مشيت و انا باصص عليها.. أكيد الصدف الحلوة اللي بتقابل الواحد دي بتعمل حاجات أحلي للواحد كمان. بس هو عباس دايما بيهدينا كل فترة كده بحاجه حلوة تفتح النفس للإستمرار في يومنا الغريب.. ميرسي عباس..
6 comments:
هاها.. جامده موت.. و هو عباس العقاد بس اللي بيبعتلك حاجات تاحلي اليوم.. يا ناكر الجميل.. ربنا يكتر من حركات عباس..يا شقي يا بتاع عباس..
نادر""
يا ريت يكون كل يوم فيه حاجه تفتح النفس كده ، حلوه أوي
ماشى يابتاع عباس ...بس حاسب على محفظتك لاحسن اللى غاوى حاجات حلوه ساعه بيتنشل ولو حظك حلو ممكن قلبك هو اللى مره الجايه اللى يتنشل
ايه ياحمادة انت كنت هنا في القاهرة وانا معرفش وكمان فين في عباس لا ومش اي حتة في اول عباس ياخبر ابيض دا انا والمكان ده عشرة عمر
ماشي ياعم الناس بتوع عباس شكلهم جايين ع المزاج
هههههههههههههه
DONDON
ممكن تكون في الوقت البسيط ده تحس ان دي واحده تتمني تعرفها و تكون معرفه"..." واللا ايه؟!
$$يويو$$
لا مش من كلمتين و نظرتين تخليني أقول ان دي ممكن تكون صديقه أو معرفه"..." مع إني مش فاهم قصدك يا يويو بس هعديها..ممكن تكون ظريفه خفيفه بس مش دي اللي تخليني أعجب بسرعه كده يا شقيه..
Post a Comment