" يأختي شايفه الراجل و خيابته عمل ايه إمبارح.."واحده بترغي مع جرانها الستات علي المسطبه. " يأبو رمضان كفايه طاوله انا دماغي مش ناقصه مش كفايه المدير بهدلني النهارده..." شوية رجاله علي القهوة . " طب أعمل ايه يا هايدي دلوقتي برنله و ابعتله في مسيدجات و منفضلي امبارح..." واحده بتفضفض لصحبتها عن حبها الأول.. "يا رفعت بيه البنك عمل اللي عليه شوف يسري باشا بيعمل ايه معاهم و شاركه هتكسب يا باشا الأسبوع الفات كان.." حبة رجال أعمال في النادي الللي بالدولار بيفضفضوا.. الإنسان زي الحله التيفال الضغط " البريستو" أم سفاره دي.. بنفضل نكتم في نفسينا لحد معين و لازم نطلع شويه بره الحله عشان مانفرقعش و الحلة تنفجر. مش كده؟!
لو الصفاره مقفوله هتلائينا عندنا امراض نفسيه واكتآب و شويه و هيقلب بتخلف عقلي و نمشي نكلم نفسينا في الشارع و العيال تحدفنا بالطوب.
اتكلم فضفض مع ناس ثقه هترتاح.. هتحس بالضغط اللي جوه الحله خف شويه.. لازم تفضفض..
و من ده بادعي لجميله بتفضفض و اللي بيشاركوا فكتابتها يرجعولنا بسرعه للفضفضه.. واللا الحله لسه علي النار..
7 comments:
حلة ايه .. انت اتجننت رسمي. و من زمان كمان.
نادر..
يا عبد الجبار الحله فوق النار..عفرقع.. عايزه حد يوطي النار عليا شويه..
$$ يويو$$
انا النار عليت عليا قوي ومش لقي حد يوطي النار لحسن انا حاسه اني علي الاخر بس معلش ايام امتحانات وقلق استحملونا علي قله المشاركه بس بجد الفضفضه اجمل شي في الدنيا بس لما يروح الي انت بتفضفض معاه ممكن تعمل ايه؟هتسيب الحله تفرقع
الطائر الحزين
عندك حق يا احمد ..بس اوقات بتحس انك فضفضت كتير ومابقتش عايز تشتكى ولا حتى تفضفض ...بس هحاول ارجع افضفض ..يمكن مين عارف؟؟
فيه أغنيه لمحمد منير اسمها " أتكلموا" يا ريت تسمعوها.. و اغرفيلي شويه من جوه الحله..
يا طائر لو مافيش حد يوطيلك االحله هتلاقي والله غيره بس عشان هو اللي كان دايما بيوطي النار فاتعودت عليه.. أنا موجود أهو أطيفي النار خالص..أي خدمه
ربنا يخليك يا احمد مخلينك للتقيله بس الحكايه مش انك اتعودت اد من انك مش بتحب تحزن الي حوليك كان في مقوله سمعتها "علمتني الحياه ان ابكي وحيدا لكي لا اسبب الحزن لمن حولي وان احتفظ بها لنفسي"
الطائر الحزين
كلنا في هموم و أحزان و يمكن اللي محزنك او همك يكون غيرك مر بيه و عرف يتخلص او يحله واهو يديكي رأي يديكي حل و نتبادل.و كدهو بتاع..
Post a Comment