شفتها من غير مناسبه. في يوم مش معروف من أيام العمل الرسميه. مدتلي اديها نزلت اشرب منها و هي بتضحك..
شربت رقه و جمال. بصتلي نظره شوق. و خوفي أقرب خلاني اشرب من بعيد .. كنت هطير بس عنيها قالتلي استني.. كلامنا لسه ماخلصش.. خادنا الوقت
و الكلام..و انا لسه بطير حواليها اشوفها احبها اكتر واكتر.. و هي كانت بتضحك و عنيها فيها دمعه فرح و شوق.و إديها لسه فيها كمان..و لسه بطير و بشرب رقه وحب
16 comments:
أحمد أنت فظيع.اتغير اسلوبك كتيير للأحسن طبعا. كلامك جميل وانت أجمل.صورة جميله و كتابتك عليها أجمل وأجمل..حاله أول مرة أتخيلها و حبتها قوي..ميرسي علي الموود الحلو اللي دخلتني فيه لما قريت "لسه بطير"
سامحني لاني اول مره مش قادره اتكلم بس مقدرش اقول غير كلام جميل وكلام معقول مقدرش اقول حاجه عنه
كلام جميل كلام معقول مقدرش اقول حاجه عنه وبجد الصوره تجنن
وحلو الكلام المتفائل بعيد عن النكد الحمد الله وحلو قوي تعبير عنيها قلتلي استني
الطائر الحزين
انا كمان نفسي اطير بس ازاى؟
تعبت من كتر ما بطير في عالم الخيال والاحلام ونفسي اطير كده بس في الحقيقة
يا ترى ممكن؟؟
moon light lover
عاشقة ضوء القمر
هاي احمد بجد كلام بيكون اجمل واجمل واحاسيس لا توصف ياريت تكون على طول كده
gogo
mosh mettamenlak ana ya wad..
lounak keda ba2alak fatra sha3ery awi w de 7aga te2le2..
b3dein de mosh a7'la2 wa7ed a3ed fel kahera w byesta3'al west el ma7rousa y3ny:D
حسيت انها روحه
الروح ممكن تطير
روحه تمثلت فى شكل طائر
وهى من حنيتها أصرت انها تداعب الطير ده وتسقيه
لوحة
وانت فنان
وبحييك برضه
ياه يا احمد اد ايه كلامك جميل....رقيق....رومانسي....حسيته لمس قلبي علي طول
بس اكيد احساس جميل
وياتري الاحساس ده لمس مشاعرك لاي حد وا دخل جوه القلب علي طول
؟؟؟؟؟
بس يمكن كمان جمال كلامك جي لانه عن احساس صادق حقيقي
انتوا ياللي طايرين
ماتقلقوش ان شاء الله يكون لكل واحد مننا ميعاد يهبط فيه بعد طول الطيران ع الشجرة اللي فيها عش الحب
جاسوور:ماتقلقش.ده الفنان اللي جوايا مشأحمد اللي تعرقه.
sofinqoraso: ميرسيه يا زوق ربنا مايحرمك مني.
آيه:مش قدرة تتكلمي؟عيطي.صوتي.بس ميرسي كمان.
جاسمين:الله يفظعك يا رب.إنت الأجمل وووو..ياكسوفي..
طائر حزين:تفاؤل ربنا يهديكوا.ميرسي ده أقل حاجه عندي علي فكره.
ضي القمر:تعبتي من الطياران.طيري كمان.و في الحقيقهأحلي ساعات من الخيال مسيرك تلاقي الإيد اللي تشربي منها ماتشبعيش.
جوجو: انت جوجو بجد؟ أنا علي طوول كده بس انت مش واخدبالك.
دنن: يارافعه راسي..يا ريت كل الكلام الحلو يكون عن احساس بجد.يمكن يكون بجد و يمكن يكون نفسي أحسه أو أعيشه.بس المهم إنه من جوايا.جوايا قوي..
عايزة أقول حاجه ان موهبتك ياأحمد بجد كبيرة و فنان بجد.احساسي بعد ماقريت و شوفت الصورة اتغير.بتفائل بتحرك مع كلامك.و لو حزين بحزن معاهانت فظيع علي رأي جاسمين.
الله ياحمد حلو أوى احساس بجد من جوه اوى
ياريت المود الحلو ده يستمر علطول
يمكن يكون بجد ويمكن نفسك تعيشه!!!!؟؟
مممممممم
فاكر يا احمد اول مرة انا عرفت الموقع بعت لك رسالة ع الموبيل سألتك انت اللي كاتب ده ولا ايه؟؟؟
وبعدها سألتك لو كل ده عن احساس ولا فيه حاجات تأليف؟؟
انا حاسة بيك اوي بالذات المرة دي
انت كاتب كلام ماتبقاش عارف هو جد ولا حلم ولا وهم ولا اماني ولا احلام
مش عارفة اقول ايه تاني بس لو كنت مش قادرة اوصل اكيد انت حاسس وفاهم
يااآآآه يا دندن..
عندك حق يادندن ..مش بس احمد كلنا من كتر مابنحلم بنصدق اول وهم يخبط ونعيشه بس مش علطول اكيد فى احاسيس احلى بنتمناها وبنلقيه بس مش كامله فنضطر نكملها بالاحلام ...دندن ياريت تأخدى أميلى من لوكاش وضيفنى انا بحب كلامك وياريت نكون اصحاب اكتر
Post a Comment