س: بتحبني بجد؟
ج: أكيد بحبك.
س: يعني أنا أول حب في حياتك؟
ج: أول حب متبادل باحترام و تقدير و اخلاص.
س: يعني حبيت قبلي؟
ج: وانكر ليه، حبيت.. بس عكس اللي قلته..إنت أول حب يستاهل أكمل بيه الحياة..
س: لسه فاكر الحب القديم؟
ج: فاكره زي حاجات كتير ماتتنسيش.
س: ندمان عليه؟
ج: ندمان علي عمري و وقتي و مشاعري و فلوسي اللي ضيعتهم من غير فايده.
س: مبسوط معايا؟
ج: أكتر مما تتخيلي.
س: هل لديك أقوال أخري؟
ج: عايز أقول اني بحبك قوي.
10 comments:
دا بيفكرني باغنية
قالتلي قول
الحوار حلو رغم انه صغير
بس احلي حاجة فعلا حكاية الاحترام المتبادل لان دا مهم فعلا
وكمان انك بتحبها اوي
بس سؤال..الاعتراف كان تحت التهديد او التعذيب؟؟
اصلها تفرق في صحته وقوته
احييك
اولا ده علي اعتبار ان الواقعه دي حقيقية او حدثت بالفعل؟؟.. واللا من الخيال زي كتير من الحاجات اللي كتبتها قبل كده..
لو حقيقي يبقيمش تحت تهديد ولا تعزيب ولا معتقالات..دي كانت في احلي لحظات الواحد ممكن يعيشها في دنيته..
انما لو باعتبار انها خيال..وده نسبته كبيرة.. فأكيد انه تخيل الحوار ده و رده عليها و في نفس اللحظة الجميله اللي يتمني يعيشها ..ده اذا ماكنشي عاشها قبل كده ..
هو الواحده ممكن تسأل الأسئله دي بس.؟؟واللا ممكن تزوج كام سؤال؟!!أكيد ممكن تزود صح.؟
هقولك حاجه الصراحه و تفريغ اللي جوانا للي بيحبونا و بنحبهم حاجه أكيد كويسه و أساس بتمشي عليه العلاقه و بتكون سبب لو ربنا اراد في نجاحها..
حتي لو كانت الصراحه دي ممكن تدايق اللي قدامنا او تظهر شيء ممكن يغير من احساس اللي قدامنا بس لما نفكر فيها و نحسها واننا ماعملناش حدود او فواصل او حاجات مستخبيه ده في حد ذاته بيزيل اي قلق او زعل او خوف.
كلامك جميل قوي يا احمد بس للاسف احنا غابت عنا الفرحة وامتلئت قلوبنا بالوحدة والغربة بعدنا عن بعض واصبح كل واحد يبكي علي ليله نسينا بعضينا او تناسين واصبح حلنا مثل زمنا كلنا نعرف بعض ولا احد يعرف احد نعيب الزمان والعيب فينا سامحوني رجعت متفائلة علي الاخر بجد يا احمد لو حقيقة استمر فيها واوعي تضيع منك ولو خيال برضه استمر فيه يمكن تقدر تخرجنا من الا احنا فيه والاهم انك ما تدخلش فيه الي الامام ويارب تقدر تاخدنا معاك
mana kont saybak be3a2lak yabny..
laken wade7 enak ethabalt:P
fe 7ad fel donia ye2oul le bent, nadman 3ala 3omry w wa2ty w masha3ry w felousy kaman!!!!
3shan te2ollak manta momken tendam law 7asal 7aga benna w sebna ba3d, w da ma3nah enek mesh beta7taremny zay manta bet2oul..
bas te3raf, manta law oltelha mesh nadman, hat2ollak yeb2a lesa bet7ebaha, w bet2olly ay kalam..
ana ra2yee tebatal kalam 7'ales ma3aha:P
shakli hagibak adik 3l2a.. ana lamma bakol nadman fa dah 3shan 7asal bena 7agat adet ledah 3la el a2al belnsbali.3arif law sebna ba3d bekol zo2 we7tram, hayeb2a 7ob 3da we khalas wel naseeb magash,we kan keda fe3lan bas el zrof khalitni a7es we akol keda.fekret eni makalmhash a7san di momken afakar feha gediyan.hahahah
حاولت ابعد لكن مقدرتش.مربوطة هنا ومش قادرة اطول الغياب.يا ترى مكانى لسا موجود ولا حد غيري خد مكان ضى القمر ؟؟؟؟؟؟؟
عاشقة ضوء القمر
اكيد لسا موجود
ولو ان للاسف المكان هنا بقي مهجور وبقاله شهور ماحدش دخل ولا كتب
ولا موضوع ولاتعليق
لكن لسا اكيد ان شاء الله الامل موجود ان بعد المشاغل الصعبة ماتعدي نرجع تاني
عارف بجد هى صغيرة آه بس فيها معان حلوة أوى
لازم تعرف بجد انها كده اول حب فى حياته
لأنها أول حاجة مش ندمان عليها
بجد حبيتها أوى
Post a Comment