ده حوار علي قدي كده بين اتنين أكيد عارفينهم هما مين""
(1)أنت ليه مش بتمسك إيدي وإحنا ماشيين في الشارع؟- لأ بلاش...افرضي حد من قرايبك شافنا؟ والا حد من أصحاب أخوكي في الكليه؟ ان شاء الله يا حبيبتي بكره نتخطب امسك إيديكي ادام الدنيا كلها.(2)أنت ليه مش بتمسك إيدي وإحنا ماشيين في الشارع؟- علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين بصراحة كده أنا مستحرم...إن شاء الله بكره نتجوز وامسك إيدك وإنتي مراتي حبيبتي في الحلال.(3)أنت ليه مش بتمسك إيدي وإحنا ماشيين في الشارع؟يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين متجوزين ومحترمين وعندنا بيت نعمل فيه اللي عاوزين نعمله.(4)أنت ليه مش بتمسك إيدي وإحنا ماشيين في الشارع؟- يعني امسك إيدك والا امسك إيد البنت والا اشيل الأكياس دي كلها؟(5)أنت ليه مش بتمسك إيدي وإحنا ماشيين في الشارع؟- إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟
7 comments:
ليه التشاؤم ده؟ اعتقد ان الزواج اجمل مما يعتقد الناس صحيح انا لم اجرب ولم اجرب حتي الحب لكن اعتقد انه بارادة الله عز وجل وتفاؤلنا ممكن تصبح العلاقة الزوجية عبارة عن حب في حب وحتي لما تواجهها المشاكل مهما كانت بعون الله وبالحب الصادق تتحل المشاكل حتي المشاكل والهموم ممكن تكون فرصة للتقرب اكثر ولتجديد الحب والمشاعر والاحتواء اكيد شيء رائع انك تعيش تحت سقف واحد مع الشخص اللي بتحبه.يمكن مااكونش وصلت غير 3بالمئة من اللي حاسة بيه وعايزة اقوله لان الحب عندي اكتر من مجرد كلمة
اسفة لو طولت
dondon
السلام عليكم
لابد علي الزوجين احترام بعضهم البعض
ولكن ليس عدم الامساك باليد هو الذي سوف يقلل من هذا الاحترام ولكن لابد علي الزوج ان يعرف ان كل زوجه تحتاج الي الكلمه الطيبه ولمسه الحنان لانها تحمل كثير من الاعباء علي اكتافها
وكلنا نعرف ان هذا الموضوع متواجد كثيرا ونري الازواج في الطرقات يسير الرجل ومن خلفه الزوجه بعده خطوات ولا يحاول ان ينتظرها لكي يسيروا بجانب بعضهم وهم شريكان في الحياه اليس هذا غريب!!!!!!!
الطائر الحزين
فعلا ياطائر ده غريب وده معناه ان الناس لاسف عندها مفاهيم غلط ولازم تتصلح حتي ديننا الاسلامي لم يحرم ده بل امرنا بالود والاحسان
dondon
اكيد يا جماعه انتم معكم حق ...بس على ما اعتقد ان احمد كتبلنا ده من باب التهريج شويه وبعدين فعلا مع مرور الوقت بيكون فى ازواج كدا بس ده مش معناه ان مفيش حب بس اهى مافهيم غلط وبس ممكن يكون ده نتيجتها زى ان لما يعدى مده كبيره على الزواج بيقدم وبيبوخ وطبعا ده غلط ...
أكيد بحترم كل تعليق و رأي اتكتب في الموضوع ده. و فيه فعلا ناس كده. و ناس عايشه أكنها بتحب جديد لزوجاتهم و كأنهم في فترة الخطوبة .. يارب إجعلني من اللي بيحبوا علي طول بس هي فين الأول راحت واللا لسه جايه و الا موجوده و عارفها واللا مش واخد بالي منها واللا مش واخده بالها مني..
السلام عليكم
الموضوع ده مرتبط بالتدين والايمان لان لو الزوجين اتقوا الله قبل الزواج ووفروا كل الحب والمشاعر لبعد الزواج ربنا هايبارك لهم جدا وهيلاقوا بركة وسعادة وحب دايما لان اللي يبني ع الحلال والطاعة غير اللي يبني ع المعصية وفتكروا ياجماعة اجمل واعظم قصة حب ووفاء وهي قصة حب حبيبي وسيدي محمد صلي الله عليه وسلم لامنا السيدة خديجة الموضوع فعلا هام وخطير ويمس حاجات هامة في حياتنا لان تسرب الب من البيت قد يكون سبب لانهيارات اخلاقية
dondon
ياسيدي لو ربنا كاتبهالك وانت مكتوب لها اكيد هاتلاقوا بعض
dondon
Post a Comment