كعادتي أحط يدي علي خدي وأتفرج علي الجزيرة من عادتي أتفرج علي أخبار الدنيا علي الجزيرة ماهي الدنيا عندي جزيرة..ناس عايشه و ناس ميته و ميتيين عايشين و عايشين ميتيين في الجزيرة و بحر كبير غويط واسع مخيف محيط بالجزيرة و ناس تانيه عايمه و ناس تانيه غارقه و ناس عايمه بس تايهه مش عارفه ترجع للجزيرة ناس غلابه ماشيين عراه. مطرودين من بيتهم في الجزيرة و ناس زيهم بيعيطوا علي أرضهم أرض الجزيرةو ناس بتجري تلعب و تاكل وتضحك من الجزيرة و هناك فوق التلال فوق الجبال فوق الصخور ناس واقفه تنظر تشوف زي الصقورعلي كل دول و يبصوا لبعض و يضحكوا و منهم بيعيطوا و غيرهم ساكتين علي كل حاجه بتحصل جوه الجزيرة زهقت و قفلت التليفزيون.. ماهو كل اللي فيه عارفه و عايشه و شايفه علي الجزيرة..
18 comments:
مش عارفه اقول ايه بس عارف .. فيها حاجه مداريه ايه هي ؟ بس خيالك حلو و ووو.. حلوه بجد
$$يويو$$
حاسس اني واحد من الناس دوول بس اي نوع هو ده السؤال. تعرف انت؟
نادر""
انت ليه متشائم المره دي.؟واضحه شويه في كلامك.بس كمان في حاجات كتيره صح و بنعيشها و شايفنها..
"جاسمين"
لو بصيت كويس هاتلقينا من اهلها وخصوصا الناس اللي عايشين وهم ميتين ومش حاسين في عمق المحيط موجه تجبهم وتانيه توديهم لا عارفين هم فين ولا علي فين رايحين ومن الممكن ان يكونوا لا يعلمون من هم اساسا هذا هو مستقبلنا المجهول في هذا العالم الغريب الممتلي بالسراب الواقع
الجزيرة
مش عارفة إختلاف شاسع بين الجزيرة عندى كقناة والجزيرة كحقيقة
الجزيرة كقناة بصراحة مش بحب اشوفها
الجزيرة كحقيقة بالنسبة ليا حلم جميل
بحر من كل حتة
يعنى احساس تانى
حياة هادية
جايز يكون فيه شوية هبل
او خيال زيادة عن اللزوم
بس بجد كان حلمى انى اعيش فى جزيرة
ايامدحت أو مش عارف الاسم صح انا مش عارفاشوفلك لبوجر بصراحه بس تعليقك بيعجبني و خصوصا اخر حته فيه "السراب الواقع" جامده طحن..
حاجه صوفي: ايه بقي..انا عن نفسي بحلم بجزيره زيك.. قصدي زي مابتحلمي بيها..بس ليه الحلم ده مابيتحققش؟بنحلمه غلط والا عشان هو حلم مش بيتحقق واللا احنا مش عارفين نحققه
ايوة اسمي اية مدحت واشكرك علي كلامك بس مش معقول واحد بيكتب الكلام الرائع دي ويبقي بيقول طحن او المصطلحات العجيبة اللي خلقها الجيل بتعنا اللي محدش فهمها حتي اللي بيقوله لو سالته علي معناها هاتلقيه هوكمان مش عارفها ولا فهمها اهي حاجه وسلام اشمعن دي اللي هاندقق عليها في العالم الغريب ديه عالم السراب الواقعي صح
هل ياتري كل شخص من سكان هذه الجزيره يعلم بما يحيط به ام انه تارك نفسه لكل مايقابله في هذه الجزيره؟ وهل هو سعيد ام لا؟
اظن ان هذه التساولات تحتاج الي اجابه من سكان هذه الجزيره، ويمكن يأحمد المشكله ان يكون الهدف مش واضح علشان كده مش بنقدر نحقق الحلم اظن ان تحديد الهدف اول خطوه لتحقيق الحلم
الطائر الحزين
آيه: ميرسي علي كلامك و ماكنتش اعرف ان فيه علاقه بين الواحد يكتب كلام جميلو يقول روشو طحن.بس كويس ان فيه حد شايف كلامي انه كلام جميل.و بعدين ماتنسيش انك من نفس الجيل مع اني ماعرفش سنك.مادام قولتي جيلنا.
طائر:اكيد كل واحد عايش عارف ايه اللي حواليه بس ممكن يغمض عنيه او مايفهمشي بس هو اللي بيختار.
ايوه من نفس الجيل بس مش معني كده ان كلنا بنستخدم المصطلحات الغريبة دي وبعدين لو عايز تعرفني اكتر اسال عنيdondonوالطائر الحزين
طب ماتزقيش بس يا آيه..
وانت ياطائر يا حزين متعبتش من صياغة الاهداف وكتابتها مش مهم نصيغ الهدف المهم نبقي عارفين ازاي نحققه وكمان مش مهم ان احنا نحقق الحلم مهم ان احنا نحلم لان طول مافي حلم يبقي في امل في الحياةاتحقق نفرح بيه ونطوره ما تحققش نحلم بغيره نحققه
بصي يا آيه مدحت.. فيه جديد دايما و علي طول بس بنسيب الموضوع كام يوم عشان نجمع اكبر عدد من التعليقات و نستفيد و نرد علي بعض. ياستي أكيد ماشفتيش مواضيع السنه اللي فاتت. كتيير قوي مش لازم الجديد.
بصوص مشاركتك فيه بلوجر مدونهاسمها "جميله بتفضفض" دي دندن بتشارك فيها و صديقه تانيه هتلاقيها في البروفيل بتاعي.. هنشر مشاركتك فيها و سعيد بيها و اتمني تهدينا من كلامك انت حاجات حلوه.ميرسي تاني لإهتمامك.
انا عارفه ان اصدقائي بيكتبوا في جميلة وقرات جميع موضوعاتهم مسبقا ويمكن بعض الموضوعات قبل ماانتوا تقراهم طيب دي بالنسبه لي انا دخلت الموقع متاخر طيب اللي متابعين الموقع من الاول بقي عايز تقنعي بعدم احساسهم من الملل وبعدين موضوع الجزيرة اتعرض لمدة اسبوع كتير اقوي عليه كده وجميلة واقفه عن الكتابة ورواني كل ده وتلقي ادور علي القديم وبعدين تعالي وقولي مين كده قراء الجزيرة وعلق غير مرة واحدة ومرجعش تاني لانه عارف انه مفيش جديد يبقي لازم يبقي في جديد يجذب الجميع ويزود عدد القراء
ميرسي جدا علي كلامك والعضوية بس نفسي اسالك مين اللي سامحلك بكده انا مش عايزه اكون اكتر من زائره او مشاركه ببعض التعليقات ومشاركات الاخرين لا ن كوني عضوه دي مسؤلية وانا عندي مسؤليات تانية كتير ام بخصوص كتابتي فانا لم احسس انها محتاجه تتنشر هابقي اعمل دي شكرا مرة تانية علي كلامك
يااااااااااااااااااه انا فاتني كتير فعلا
بس معل مشاغل اه منها
ياسي احمد هي يعني ايه مدحت اول واحدة تقول انك كلامك جميل ماي ياسيدي متشكرين
واهلا بصديقتي العزيزة ايه مدحت
DONDON
Post a Comment