في تجمع من التجمعات بين الأصحاب و الأحباب.. و الكلام بيجيب كلام.. و الحكاوي تكتر بينا.. بلاقي إن كل البنات حلوين..ماتتغروش قوي كده.. مش حلاوة الشكل بس.. بس كلامي و مناقشاتي و معرفتي بالناس.. المحدوده نوعا ما بالنسبه لسني و خبرتي الحياتية.. بس بسأل نفسي ليه مافيش مسابقة ملكة جمال الروح.. ملكة جمال خفة الدم.. ملكة جمال العقل والتفكير و الروح الحلوه..يمكن عشان البنات مخها في المكياج و اللبس و مش فاضيين يفكروا..موجود..؟!يمكن عشان مخ الشباب في جمال الشكل و الجسم بس و مش بيبصوا علي الجوهر كتير..موجود..؟!يمكن عشان خفة الدم و الروح الحلوة شحت في السوق اليومين دول..موجود..؟!ماظنش اننا بالتفاهه دي ولا بالتفكير ده زي مالكبار بيقولوا علينا.. أو علي الأقل اللي أعرفهم مش كده.. بنات و ولاد..والله إحنا كويسين و حلوين و بنفكر و بنحترم بعض و بنعيش و بنحارب و كتير حاجات.. حلوين من جوة و من بره..بس مشروع ملكة جمال الروح و خفة الدم دي لازم نفعّلها بطريقة ما.. علي الأقل بينا و بين بعض كمجموعات اصحاب أو أقارب..
10 comments:
الفكرة جميلة والاجمل تنفيذها ودي نقدر نعمله من خلال موقعنا بس مش للبنات بس وكمان للولاد عن طريق صورة وكلمة صورة معبرة عنصاحبة رسمها او منقولة وكلمة عن نفسه ولقبه وسط اصحابه ويسبب اللقب واجمل موقف في حياته وتتنشر بالموقع ويتم التصويت ونجمع التعليقات ونختار اجمل واحد واجمل واحده في الروح والعقل والتفكير وخفة الدم
والله انت عندك حق
بس الموضوع نسبى
فى ناس فعلاً لا تهتم نهائى بجمال الشكل
لأن جمال الروح هو اللى دايم
وفى ناس برضه الا الشكل عندها
بس على فكرة فى ملحوظة غريبة
البنات اللى بتبقى حلوة زيادة عن اللزوم
بيبقى دمها تقيل زيادة عن اللزوم :D
فعلا يا احمد كلامك صح
زي الحياة مافيها التافهين فيها كتير الكويسين واللي احنا منهم ودا مش غرور لكن الفرق يبان بالتفكير
ولو ياسيدي بتدور علي ناس وبتجمع عدد لعمل المسابقة انا عندي ناس اجيبهم
جمال المسابقة مش بجائزة ولا كأس لكن بان الشباب والبنات الكويسين هايعرفوا بعض هايعرفوا انهم كتير في الحياة
ممكن نكون جمعيه الشباب الهادف في مواجهة الكثير من الشباب الهابط
يمكن يغيروا مننا ويتغيروا ويمكن الكبار يعرفوا ان الحياة زي ما فيها كتير وحشين فيها برضه الحلوين
اللي عندهم عقل
DONDON
والله انتم كبرتوها في دماغي. الله عليكم. هو ده الكلام..ابعتولي أفكاركم و تحليلكم علي الأميل بتاعي عشان اجمعهم و اشوف الفكره و الحاجات هتطلع ازاي علي الموقع. و عايز ناس تشارك من بره و جوه. LOCKASH@HOTMAIL.COM
وانت ياآيه مشاركاتك ابعتيها علي الميل ده عشان انشرها علي طول بلاش في التعليقات.مستنيكم
و خفة الدم دي هنعرفها منين بقي؟! أنا معاكو في الموضوع ده.و فعلا فيه كده و فيه كده.. و الجوهر هو اللي بيحلي و بيستمر.
$$يويو$$
الافكار كلها حلوه بس هنبدء امتي الموضوع يستاهل التجربه بس المشكله ان كل واحد هيكون له المعايير المختله الخاصه به للحكم علي الجمال اوخفه الدم وجمال الروح بس اكيد هنستفيد منها بس خلي بالك يأحمد لك براعه الاختراع
الطائر الحزين
من دلوقتي نبدأ ابعتولي علي الأيميل الأفكارو الصور اللي هتوصفو نفسكم من خلالها..و أفكاركم..و طبعا اختلاف الشخصيات و المعايير لكل واحد هو الحلو في الموضوع اختلاف رؤي كل شخص بيفرق للناس.وبرائة الإختراع ليا طبعا و الدعايه والإعلانات ..
يا جماعه فين روني؟ هي مختفيه بقلها كتير مبتدخلش تعلق ولا كتبت حاجات جديده ياريت الي يعرفها كويس يقلها انها وحشانه وعيزين نشوف تعليقتها وموضوعتها الجميله بسرعه
الطائر الحزين
يا طائر طبعا ميرسي علي سؤالك بس أنا مش عارف بصراحه ايه السبب الحقيقي وراء اختفاء روني. هي تقدر تقول بتمر بحالة زهق عام.يمكن مشغوله.بس مافيش سبب معلن.أوعدكم أي أخبار عنها هبلغكم بيها.
ميرسى مووت يا جماعه لكل الى سأل عليا انا كويسه ..بس زى ما تقول فى حاله بيات شتوى اكيد هرجعلكم قريب علشان انتم كمان وحشتونى موووووت
Post a Comment