لسه زي مانا يمامه لسه زي مانا يمامة شارده.. رغم الحاجات و الصعاب و المواقف. لسه في قلبي نبض و حياة. بيضخ دمي في عروقي في جناحي في عقلي وقلبي و لسه بطير.مريت علي ريح شديده. عدي عليا طيور شريده. عرفت يمام وحيد، و يمام غريب، و طيور غادرة وفاشله .مريت بأيام جوع و عطش أيام شتا و برد .. تعبت ساعات و ساعات زهقت، ساعات بعيش الدنيا و بتعيشني الدنيا ساعات.
سابوني اصحاب و صاحبوني جداد. حبوني و حبتهم و سابوني و رجعوا و منهم مارجعش.خطفته السما الوسيعه الضلمة و اللي نورها يعمي العيون.بس رغم الحاجات والصعاب و المواقف.. لسه في قلبي نبض و حياة. لسه زي مانا يمامة شارده.ولسه بطير..
20 comments:
لسة يمامة شاردة
طيب وفي رايك..المفروض اليمامة تفضل علي طول شاردة...ولا لازم يجي وقت و تعرف فيه سكتها وتهتدي ليها؟؟؟؟
تم أفتتاح العدد الأول من مجلة نفسنا
نتمنى منكم زيارتنا
خطفته السما الوسيعه الضلمة و اللي نورها يعمي العيون
يعني ايه الجملة دي يا احمد؟؟
انت اليمامة واليمامة انت
تجربة اليمامة دي هي حياتك
احسن حاجة هو تجاوز اازمة الحمد لله
جري الدم في جناحها
وجري الامل في قلبك
الكلام كتير بس ساعات زي الحبر ما بيخلص العقل بيقف شوية بس ان شاء الله ليا عودة المهم ما تزهقش مني
بتعيشني الدنيا ساعات. حلو التعبير ده يا لوكش.اللي فهمته ان الدنيا قويه و صعبه بس عندنا الإستطاعة نكمل ونقوم و نقف انابتجيلي لحظات فشل و بحس ان خلاص هو كده وازا كان عاجبني و ان مافيش فايدةبس بجد الواحديقدر بس مكسل بس غفلان بس مش شايف صح.كلامكادانيأمل ان انااقدر افوق من حاجات كتير.
الله عليك بجد
وحده وصحاب وناس وحريه وطيران
وهنا وهناك
وسما
وخلتني الف معاك بجد
حسيت اني زي العصفوره بطير معاك من هنا لهنا
حتى الحزن الي فيها حسيت قوي بيه
بجد مش عارفا ااقولك ايه
احساسك رهيب
والله تحفه
حلقي يا يمامة واشردى في السماء
وانسي فيها الهم والكرب والبلاء
لكن لا تنسي الوفي والقريب من الاخلاء
ولكن لا تطيلي الشرود فما السما دائما بهذا الصفاء
فهناك من العدو من يريد لكى الفناء
فتريثى كى لاتكونى ضحية الاعداء
كلامك حلو اوى بس لازم اليمامة تصحى بقي
عاشقة ضوء القمر
جميلة أوي انك تعيش زي اليمامة
قلبك كله دفا و حنية و رقة
ورغم الصعاب بتعيش
خليك زي ما انت بس اهم حاجة نبطل شرود
جميله اوى بجد
لفيت الدنيا والقارئ بيلف معاك
اصحاب راحو اصحاب جم
ايام عدت وايام جايه
وتستمر الحياه
بوست جميل
تحياتى
انت من اول يوم ليك في البلوجر.. و انت يمامه شارده و الشرود فسرته وقتها انه الحرية بس مش شايفه ان الشرود مريح زي الحرية مابتحس معاها بالراحه.احساسك المرة دي عيشني معاه في السما و شوفت مواقف قابلتني فيها كتير من كلامك.جميل اننا نقف علي رجلينا و نكمل هو ده المقصود من مغامرتنا في الحياة.
دندن و جاسمين وdyin_soul
اتكلمتوا علي الشرود وان الشرود ده لازمله استقرار.انا معاكوا الشرود ليه جزء في معناه انه من غير هدف او وجهة.و ده صح في اوقات بتحصل لينا لما نقابل موقف صعب او تمر بينا مشكله او تجربة بنخرج منها لفترة طولت او قصرت بتسبب لينا دوخه بتخلينا مشتتين.و ده اللي بقصده بالشرود شرود وقتي بترجع تاني اليمامه بعديه لاستقرار في شجره مع اصحابها و حبايبها.بتختلف الشجره بسالمهم بتستقر.مش هتفضل تطير طول عمرها.
REEMOO و ضي القمر و ياسمينا.
ميرسي علي كلامكم..ياكسووفي..و ياسمينا.. بقولك ايه.بلاش تحفه دي ليها معانيكتير..ها.
يويو.. معاكي في كلامك..هو بنبقي مكسلين مطنشين بنحب الرحرحه شويه حتي لو علي حساب صحتنا و مستقبلنا. بنغمض علي حاجات ماينفعشي مانشفهاش..
عارفة كل دا..معناه ان الحياة كلها جواك ...
واهم حاجة الطيراااااااااااااان...
يمكن الشرود يألمك..بس هايعلمك...
اسفه علي التاخير معلش بقي ظروف وجوابات وحاجات من دي
بس سامحني اكتر اني مش قدره اعبر واكتب التعليق اللي وعد بيه بس الكلام حلو قوي ورائع اكتر ما ممكن اتصوره ووصفه جميل عيشني في دنيا تانيه بجد تحفه فنيه فوق الخيال بس اوعد اني اول ماهافوق هاكتب حتي لوكان غيره اتنشر برده هارجعلهبجد الموضوع ممتاز مقدرش اقول حاجه عنه غير كلام جميل وكلام مش معقول
سامحني علي التاخير
مسامح .. والله مسامح.
ميرسي يا دندنا"ميويه " زي مابتحبي يندهولك.. الشرود مش حاله عامة ثابته دي مجرد مراحل بتعدي عليها بتصادفها.. و بتعرف تخرج منها و دي الميزة اللي فيها.
واحشني يا مان..سوري علي طناشي بس انت عارف العيال وأمهم..
ايه ياعم سألت عليك قالو مسافر ولا رديوش يقولولي.. مش ناوي تستقر بقي و كفايايك شرود.عايز افرح بيك وانت في عش الزوجيه و يماماتك الصغيرين حواليك عمالين يخنقوا فيك و يطلعوا عين اللخليفوك..وامهم مسوده عيشتك خنقاك.ها كفاياك شرود بقي صحيح ده مش بمزاجك والألم والخبطاط اللي علي دماغك زي مابتقولبتكتر يوم بعد يوم.و صحي انك بتفوق منها و ترجع اقوي من الأول. بس اكيد لازم تشوف نفسك و تدور علي سعادتك كفايه تدور علي سعادة و حل مشاكل الناس اللي حواليك.عارف اندي خصلة فيك بتحب غيرك اكتر من نفسك و بتحب تشوف غيرك سعيد و انك سبب في لسعاده دي. بس انت..امتي هتكون سعيد.بتحسبالسعاده لما تشوفهم سعدا معاك.لسه الشرود جواك.اسف يا مان اني اتكلمت كده بس صدقني لأنك كبير قوي في نظري و تهمني بعد اللي شوفته منك و رجولتك مع الناس عايزك تفرح.
كلامك حلو يانادر اوي..بس واضح الاخوية جدا دا انت اتمنيت له حتة عيلة كلها خنقة
ههههههههههه انا بهزر بس اكيد مهما كان العيال وامهم يخنقوه الا انه اكيد مجرد الاستقرار جميل وزي ما فيه اوقات ساعات خنقة اكيد ان شاء الله السعادة موجودة وتكون هي الاكتر
سوري الامضاء طلع بحرف غلط
dondon
نورت يانادر بعد غياب
بس مين قالك ان الواحد مش بيحس بالسعادة لما يسعد غيره او يحلله مشكلته او يطيب جرحه؟؟
مين قالك ان اللى مقالكش ان اللى بيعمل حاجة زى دى ربنا لازم يوقفله اللى يسعده ويقف جنبه ويحلله مشكلته وياخد بايده؟؟
اوعو ياجماعة تنسو اسمه الشكـــــــــــــــــور
طالما عملت حاجة لازم يشكرك وهو الكريـــــــــــــــم
هيديك اكتر مما طلبت وان شاء الله احسن مما تتمنى
لا اله الا انت سبحانك انى كنت من الظالمين
عاشقة ضوء القمر
معلش نتيجة لهلوسة الامتحانات عندى غلطة مطبعية
ةالتصحيح مين اللى مقالكش مش العك اللى انا كتبته ده
عاشقة ضوء القمر
Post a Comment