فاكره الصورة دي؟ بتضحكي ليه؟وجهها يمتلئ بحمرة الخجل وتقول:ماتتنسيش و مانساش وقتها كنت عايشه احلي لحظات في دنيتي.و فاكره لما لمحتي ضوء الفلاش حصل ايه.؟طبعا كنت هقع بس لحقت نفسي.فاكره كنتي بتفكري في ايه..و بعدين معاك.. ايوه فاكره كنت بصه في لا شئ تحت ضي الشمس اللي مش باينه في ضل الشجر اللي بره السور. بفكر في كلامي . انا ليه قلتهولك. و ياتري هتفهمني والا هتتغير معاملتك ليا. و ليه انت و ليه دلوقتي.
و لقيتي جواب وقتها؟ أكيد لقيت لقيتك بتاخد الصوره و وشك كله طيبه و رقه.
و ده من ايه يعني.. واللا من اللي حصل بعد كده.؟
مش عارف بقي يبقي العيب فيك. بس افتكر وقفتك جمبي ساند بأيدك علي الشباك و باصصلي.. و مش عايزه اقولك ان كلامنا وقتها كان احلي وقت مريت بيه.محسيتشي بالوقت لحد مالبواب جالنا وضحك وقالنا انه لازم يروح ولازم يقفل.ساعتها اديتله بونبون وقلتله ماتكلهاش واديها لأبنك.. فاكر.. نضحك احنا الأتنين.و أرجع الصورة تاني في ا لظرف الأبيض..و نكمل الطريق ماشيين..و الضحكه لسه علي شفايفنا.
18 comments:
انت بتفتكر الحاجات دي ازاي.و بعدين لو لسه مش عارف بجد يبقي العيب فيك..انا طبعا ماتوقعتش اني الاقي الكلام ده هنا بس جميل انك فاكرني بس انا وحشه في الصور قوي..
قلت اكتب لك قبل ما اقرأ التعليق او حتي اعرف مين اللي علق
لكن....
احساسك المرة دي جميل
زي كل مرة
المرة دي في حاجة مختلفة مش عارفة ايه
انت المرة دي دخلت جوه الصورة وطلعت من اشخاصها من ظلالها من مفردات الصورة طلعت من ده كله كلام
وياريته كان اي كلام لكن كلام جواه ذكري جميلة
هو ياتري في اتنين ممكن لو حتي كان في بينهم حاجة في يوم
انهم حتي لو افترقوا يفضلوا شايلين لبعض الضحكة الحلوة دي علي الشفايف وفي القلب؟؟؟
ولا يمكن دول اصحاب اتقابلوا بعد زمن؟؟
اد ايه بان جمال روحها وهي يتقوله يدي البونبون لابنه
واد ايه كانت بتفكر وهي قاعدة كده وسارحة مع نفسها
ياتري كانت بتفكر فيه؟؟
ولا كانت بتفكر في اللي جاي؟؟
ولا في ياتري هما هايفضلوا مع بعض ولا لأ؟؟
كلها افكار بس ياتري ايه فيها صح؟؟
قريت التعليق اللي بدون امضاء
اثناء قرائتي للموضوع مر بخاطري ان موضوع الصورة ممكن يكون فيه جانب من الصحة
التعليق ده بيقول حاجة زي كده
وممكن كلمة للي باعته الصورة؟؟
ماشي شكرا
يمكن تكون اوقات عدت من زمان..لكن فيه حاحات بيفضل حوه القلب كده ذكري حلوة اوي
حاجات ما تتنسيش
وبعدين حتي لو كنتي وحشة ساعتها
يمكن في عينه كنتي حلوة
وممكن كمان تزيد حلاوة الصورة بجمال اللحظة
.....
أنا مع دندن.أحمد انت في الموضوع ده مختلف بجد.جميل قوي وواقعي جدا ولوبجد تبقي اجمل لأنك صورتلنا الموقف في صورة كلام جميل وقوي عيشنا الموقف مع ابطاله.و خلاني اتمني اكون معاهم و اشوف الوقت الجميل ده.انت بجد فنان.ومايهمناش مين دي أو هي اللي علقت في الأول بقدر انها لو عاشت بجد اللحظة دي يبقي يابختها.وعايزة اجاوب علي جزء من اسئلة دندنوهو ان ممكن لو افترق الناس يفضل بينهم شيء و زكري جميله.طبعا مادام الفراق ده قدر و كان ناس طبيعين مهما يمر الزمن فيه حاجه حلوة بيفتكروها لبعض موقف لحظة مشوار كلام.يطول العمر و تظل لحظات السعاده و الخير.
انا اسف يا جماعه علي غيبتي بس ظروف السفر والشغل.بس مفتقدكوا بجد.
ايه يا عم ده؟ و هو فيه كده في الدنيا؟ بجد او مش بجد يخرب عقلك.جميلة جدا ولما قريت حسدتك علي قدرتك علي الكتابة و لو ده حصل بجد يبقي حسدتك علي اللحظة دي.و الزكري الحلوة دي تخلي أي حد يكون مبسوط انه كان محظوظ انه عاش وقت جميل حتي لو انتهي او ماكملشي .الاوقات الحلوة فيه ناس مش عارفين يعيشوه ولو لثواني نعمة بجد..
الحمد لله علي سلامتك يانادر
يظهر ان كلام لوكاش المرة دي فتح جوه الناس البوم ذكرياتها
الكل قعد يتكلم عن الذكرايت وجمالها وانها تبقي بين الناس علي طول
الذكرياااااااااااات
ياه فاكرها طبعا كان يوم من اجمل ايام حياتي بس بقي كفايه هو انت مفيش فايده فيك لازم دايما تكسفني كده طبعا فاكره كنت بفكر في ايه كنت هناك مع اشعة الشمس البراقه في وقت الغروب في انتظار شروق جديد ياه فاكر جمال المايه مع بريق الشمس فاكر ضحكنا فاكر كلامنا ياااااااااااااه مش قادره اقول كفايه كفايه سبني مع احلامي وافكاري والذكري اللي ما بينا
حمد الله علي السلامه يانادر وبعدين يا بختك ياعم انت كنت في اجمل مكان انا بحبه اسكندرايه لي فيها انا وتؤم روحي اجمل ذكريات هناك يااااااااااه دي اجمل مكان
معلش يا عم احمد انا تخيلت نفسي مكانها وكتبت اللي المفروض كنت بفكر بيه ساعاته بجد الموضوع رائع جدا الي الامام
وحشتوني يا جماعه و واضح ان أحمد لوكش الفن و الابداع بيزيد عنده يوم بعد يوم مش بس في موضوعاته و كمان تعبيراته واحاسيسه.انا هتكلم عن نفسي بخصوص لما بفتكر حد حتي لوبعيد عني او القدر والدنيا بعدونا عن بعض انا مافتكرشي غير الاوقات الحلوة والمواقف الجميله اللي بينا مهما كنا قابلنا مشاكل او اختلافات فيه ناس تانيه بتشيل الوحش فيها.بس انا دايما الخير.وافتكرك ياحمد بالخير لأنك من الناس اللي شايله الخير لكل اللي بتحبهم و اصحابك و حتي اللي علاقتك بيهم علي القد بتعاملهم بكل اخلاص و ده اللي مخليا الناس تحبك و تعزك.مش كده واللا ايه يا جماعه انا بتكلم غلط..
طبعا كعادتك ياحمد بترسم كتابتك صور جميلة وتعبيراتك بيتطلع كل مرة اروع من اللى قبلها
عاشقة ضوء القمر
اكيد يا جاسمين عندك حق
...........
يا نهار..يانهار.اولا انا مبسوط ان مافيش محاولات منكم لمعرفه شخصية تلك الفتاه.و دي نقطه كويسه لأني مش هعرف أرد عليكم.بس الجميل منكم الكلام عليا و ده سر حبي ليكوا.وانتم عارفين الفنان بيعيش بتقدير المعجبين زيطوا كده.هيهيهيهي..
الزكري شيء غير ارادي بيعيش مع الانسان بينسي اللي عايزة بيسيب اللي عايزة بيتفكره بالماضي حلوه و مره.الانسان من غير ماضي مهما كان مايبقاش عايش انسان.الواحد ماضي وحاضر و مستقبل و الدنيا ديقه سعادتك.بنستفيد من الماضي عشان مستقبلنا و عشان نعيش حاضرنا احسن.مش مهم حلو او وحش لأن الطبيعي يكون الأتنين مع بعض محدش بيعيش مبسوط علي طول أو حزين علي طول. اللحظة الحلوه بتعيش و الوحشه بتموت مع الوقت.بشوف اللحظة اللي كتبتها دي بعين واحد عاش جزء من وقته مفرح حد للحظة حتي لو هو مش فرحان بيكفيني اني احس اني فرحت حد معايا.بشرط مازعلوش بعد كده.شوف وقت مر عليا مع حد جميل في روحه و في شخصيته حتي لو مش معايا.مش معني ده اني مش بعيش لحظات حلوة مع ناس حلوين بالعكس يمكن مالقتشي وقت جميل زي اللي بعيشه دلوقتي
جميل ان الإنسان يفتكر
والأجمل انه يفتكر لحظات خاصه ونادره فى حياته
او بمعنى اصح لا ينسى تلك اللحظات الخاصه
تدوينه جميله
تحياتى
اد ايه كلامك جميل برضه يا احمد تعليقك حلو وكلامك حلو وانت حلو والنمل هايتلم
انا بهزر اوعي تزعل بس فعلا التعليق بتاعك اد ايه حلو
وان كل واحد مننا هو خليط من ماضي وحاضر ومستقبل وكلهم بيخدموا بعض
والذكري حتي لو لحظة وراحت بس برضه بتفضل شيء جميل ممكن افتكره في وقت الضيق يقوم يفرحني
لو كان بأيدي أني احسسك بلحظة سعادة تانية.. ماكنتش هتأخر.
ربنا يرحمك و يتجاوز عن سيئاتك..
و ربنا يرحمني أنا كمان..
آسف اني حزفت الصورة..كده احسن..
ربنا يرحم الجميع يارب ويجعلنا ممن يدخلون الجنة بغير حساب
اللهم امين
ومحدش فينا يغلى على اللى خلقه
انا لله وانا اليه راجعون
عاشقة ضوء القمر
لا الله الا الله
وتقلى محدتش عارف ده واضح ان العصفوره قالتلهم كلهم
انا لله وانا اليه راجعون
قلتهالك وهقلهالك تانى
صدقنى مكانش فى ايدك اى حاجه تقدمها ومش فى ايدك دلوقتى غير الدعاء
ندعى كلنا يا جماعه باللى نقدر عليه
سوليد
Post a Comment