مرة اخري أمسك بقلمي محاولا الكتابة دون جدوي..
امتزج حبر قلمي بالحزن و السعادة،بالتمني و الأمل بالتراجع والتفاؤل و الخيبة و الكسل..
توقف سن القلم علي ورقة دفتري ولكني قهرته غرزت سنه في الورقة حتي كاد يمزقها تحته.. ليكتب تلك الجمل لماذا كتبها و لمن و ما معناها ؟ لا ادري ولكنه تحرك ليسيل حبره الداكن علي الورق..
" اتحكم في مصيرنا شيء اسمه المتقدر"
" إحلم زي ماتحب.. ليس الحلم بمشكلة. المشكلة هي كم حققت من هذا الحلم"
إنت صح؟؟ أو انت غلط؟! و علي أي أساس؟!."
تنسي الحب أسهل؟ أو تنسي الجرح والألم؟"
7 comments:
زحمة احاسيس
زحمة احاسيس.... زحمة افكار
كل ما اشوف صورة تجيلي عليها فكرة
اقوم بسرعة واكتب جملة
بس ادور عليها بعدين..الاقيني مش لاقية الاحساس..مش لاقية الفكرة
وساعات الاقي في راسي مية الف فكرة
حزن وسعادة واستفهام والم وحلم لبكرة
ادور اكتب ايه ولا ايه..وفي الاخر
ما اكتبشي ولا فكرة
اهو هو دا اللي ساعادتك فيه وانا برضه لما كتبت الكلمات دي كان دا احساسي
بس تعرف مجرد اننا طلعنا الكلمات دي دا كويس يعني لسة القلم ما انكسرشي ولسة المخ شغال
حب حب ايه الا انت جاي تقول عليه ....حلم دا كله اوهام وقال ايه ناس تقول لوبطلنا نحلم نموت ما احنا لوحلمنا نموت لو مش حققنا ولو بطلنا نحلم برده هانموت كده كده ميتين
امتزج حبر القلم بدماء والسعاده بالاحزان والتمني بالرجاء والتفاؤل بالتشاؤم
لمن اكتب ولماذا اكتب اخذ يبكي ويقطر بدل الكلمات دماء فاخذت الدماء وكتبت بهاتحكم في مصيرنا قدرا لا نعلمه فاذا علمناه خفنا منه واذا لم نعلمه نخاف لم يخفيه فا تلك الحالتين القدر هو الخوف لنا ،احلم الحلم شيء مش بايدانا احقق الحلم ممكن ومحققهوش برده ممكن بس مش معناه الفشل لا دا معناه احلم حلم تاني يمكن احققه ..انا الصح انت الغلط انا الغلط انت الصح معدتش فارقه طالما الجراح والاحزان دخلت بنا وفرقنا الحب والتسامح ،انسي الحب اسهل ام انسي الجراح والالم كلاهما مرتبطا ببعض وانا في حيره بامرهما
ممكن الواحد يلاقي نفسه عايز يكتب حاجة بس هو ميعرفش هى ايه
واحساسه بحاجة معينة وممكن تكون الحاجة دى هو مش شايفها هى اللى بتخليه يكتب كلام بيعكس فيها حالة الفكرة اللى مش قادر يعبر عنها
؟؟ واضح ولا ايه؟؟
امتحانا بكرة ادعولنا يا جماعة الله يخليكم
عاشقة ضوء القمر
الحــــب
لا تبحــث عنـه حــولك انـما ابحــث عنــه في قلبـــك
الحب يصعب نسيانه انما يمكن تناسيه
والخطا عندي ولا عندك مش هتفرق كتير المهم ان في خلط حصل
بس كلمات ليست كالكلمات بس جميلة وفيها حاجة انا مش عارفة اوصلها يريت لو حد عرف يقولي
الطائر الحزين
اد ايه حققت هي دي المشكله فعلا في حلمنا.احنا بنحل كتير و بنتمني اكتر ومابنعملشي حاجه تخلينا نقرب حتي من حلمنا مش نحققه.
انت صح انت غلط فعلا هي دي المشكله بنعتبر نفسنا صح في مواقف غلط من وجهة نظرنا احنا مابنسمعشي راي الناس و دي الديومقراطية بتاعتنا احنا وبس.
الحب بيتنسي علي ماأظن الجرح مكانه بيفضل للموت معلم.عشان كده مابيتنسيش
سوري علي التأخير .بس كنت بفكر معاك علي اجابة للأسئله دي.انسي الحب بس مانساش الجرح.المتقدر متحكم رغم عننا و الخير في المكتوب لينا مهما كنا شايفينه غير كده
الجزء الأول في كلامك حلو بجد متلخبط في المشاعر و ده بيحصلي كتير بكونعايزة اكتب او اقول حاجه و مش عارفه ابتدي منين و اللا اقول ايه بس المهم اقول حاجه في النهاية احسن من اني اندم اني ماقلتش.
Post a Comment