هل ستظل كما أنت ؟ لا تكترث لإحتياجاتي. لا تهتم سوي براحتك و دلالك مع قطتك البلهاء البيضاء البارده. و سجارتك الخانقة.. تموت بها مئات المرات.. وأنا .. أناأين من كل دنياك.. أين أنا من خيالك الواسع.؟ لم تحاول أن تدخلني اليه و لو من باب المصادفه من باب التجربة.لست هنا للمشاهده كلوحه فنان تريد وضعها علي حائط . لست هاتفك مجرد وسيلة للتخاطب لتفتيت الوقت.. أني إمرأة .. كأي إمرأة تريد رجلا.. رجلا فقط.. فلدي ما يجعلك أكثر من مجرد رجل. لكن إبدأ أنت ودع الباقي للأنثي التي تنتظر هذا الرجل.
15 comments:
ايه يا عم الحلويات دي..تعرف يا واد التعايش اللي بتبقي فيه لما بتوصف صورة او بتعبر عن حالة جت في دماغك الحكاية دي ببقي نفسي اعملها مش بعرف.. بس بحاول.. جميلة فعلا و الحته دي جامدهوسيلة للتخاطب لتفتيت الوقت. تفتيت..جديده..
و كمان فلدي ما يجعلك أكثر من مجرد رجل .. دي مش أي حد يفهمها.. فيها معاني كتير..عجبتني يا لوكش..
طبعا مش هفكرك بالخطوبة. البت مستنياك..هاهاه
بعتذر يامان على الغيبه بس انا قلتلك على ظروفى قبل كده
بجد مش لاقى تعليق اقولهولك غير انك بجد تملك القدره على ان تجعلنا ابطال القصه واحنا بنقراها
انت اثرت مشكله فعلا موجوده فى مجتمعنا بنسبه غير مطمئنه بالمره
وزى ما نادر ما قاللك
جمله مش اى حد يفهمها
فلدى ما يجعلك اكثر من مجرد رجل
انا فعلا مش قادر الم بكل معانى الجمله دى لان فعلا ليها معانى واسعه وكبيره وكتيره جدا
ياريت تقلى قصدك منها
بحييك تانى على الموضوع بجد بعتبره
موضوع مجسم
وان كان ده مش غريب على كتاباتك يا مان
احييك جدا يا احمد علي الموضوع ده بجد جامد جدا
وعلي فكرة نفس الجملة علقت معايا برضه
فلدى ما يجعلك اكثر من مجرد رجل
وهنا الكلام يختلف والفهم يختلف من المرأة للرجل
الانثي لديها الكثير
لكن ليس لأي شخص
انه لحبيبها فقط
لكن هي تريد ايضا من يدغدغ مشاعرها احيانا لكي تخرج من هذا الذي لديها
المرأة لديها انهار فياضة
لكن هي تريد الحب الاهتمام
الاهتمااااااااااام
تخب الغزل والتدليل
هذا الكنز بداخلها
لمن يملك مفتاحه
يعني هو مافيش موضوع عندك وحش كده.. ايه ده .حبيت الفكرة و عجبني اسلوبك في وصفه.الصورة و اللا مبالاه من الرجل.الجمله اللي اثارت البعض مش لازم تقول قصدك منها معلش يا سوليد.. ده سر الكلام و كل واحد فينا يفهم المقصود باختلاف الميول دماغنا مش زي رعضها.و ده الجميل في الجمله.عدم الهتمام بمشاعر الآخرين وحش بجد لما تحس ان ماحدش مهتم بيك رغم كل اللي بتعملهليه.ماتحسش منه بحنان.بأثر فيك قوي.جميل يالوكش..
اريد رجلا فقط
مفيش حاجة تعوض واحدة عن اهتمام زوجها بيها هى عايزة تحس دايما انها اميرته ومحور اهتمامه مش اى حاجة تانية
احييك على فكرتك بجد حلوة جدا
عاشقة ضوء القمر
اللي حازز في نفسيتي ان الناس بعدت عن يمامه شارده.. هي مواضيعي بقت ممله..وحشه..مش عارف.
بس كله يهون مادام الاهلي عمهم و حابس دمهم
ومين قال بقي يا لوكاش باشا ان الناس بعدت
لو كانت مواضيعك مملة زي مابتقول ما كانوش الناس دخلوا وعلقوا واتكلموا ولا ايه يا جماعة؟؟
ده كلام ياحمد
دانا كل شوية لازم اجى واكتب واعلق بس مبحبش اكون اول تعليق
وكل الناس ياعم لازم يجو طبعا
يلا يارجالة وره الهمة
عاشقة ضوء القمر
اااه انت ناوى تعكنن بقى على فرحتنا بالكاس ايه ياض الكلام الغريب ده امال الناس دى جاي بتعمل ايه تبيع بطاطا
وكمان مهو جميله ودماغى دول ولادك برضو
ههههههه
بطل يابنى الكلام العجيب ده وفكها
بجد والله كلامك جامد اوى واسلوبك سهل والموضوع ده بشكل خاص عاجبنى جدا جدا
بس ياريت انت بس تعجبك تعليقاتنا المتواضعه
لوكش..يا أستاذ أحمد..عيب تقول الكلام ده مع الناس اللي بيحبوكو بيحبوا كلامك..انت بموضوعاتك و اسلوبك و شخصيتك في كلامك عملت لينا جو مختلف شدت الناس ليك و عملت ليك اسم علي الأقل بينا.انا عن نفسي بفكر قبل ماقرأ ليك واعرفك كان ناقصني حاجه وبجد بلاقي في كلامك مشاعر و أفكار و مشاكل و حاجات جديده و جميله و قريبة مننا. وأظن ان باقي المجموعة حاسه بكده أو علي الأقل بجذء منه مش كده؟. واذا حسيت ان الناس بعدت اديهم العزر زي ماكنت بتدينا العزر و تدافع عننا قدام اصحابنا التانين لما بيسألوا علينا ياكبير ..هقولك ياكبير بعد كده موافق..
انا معاكي ياجاسمين في انه لو ماكانش اسلوبه وكلامه له تأثير ما كانش حد جه هنا ولا كتب ولا علق
ولاكان مثلا اخد جايزة عن موضوع وكده
هو احمد تلاقيه بس بيدلع شوية علينا عشان يعرف غلاوته عندنا
بس برضه يا احمد ماحدش هنا هايقولك يابيبي
ههههههههه انا بهزر اوعي تزعل
وانت كمان بطل كلامك ده واتناقش بقي في تعليقاتنا علي موضوعك
بنتمني نشوفكم وبرضه مايفوتكم الشغل الجديد والموضوع الجديد
هي المرأة بس اللي عندها كنز..والراجل ماعندوش حاجه مفلس؟؟ يمكن الحالة اللي اتكلمت عليها في الموضوع ده بقت منتشرة في ناس كتير بس كمان شايف اننالو عكسنا الدور هنلاقي ان في حاللات الراجل مستني الواحده اللي تكتشف فيه الكنز هو صحيح كنز علي قده مشبدرجه الاحساس و المشاعر اللي عند المرأة بس ده لظروف فرضت عليه كراجل.
إذن المطلوب هو التعامل الصح والاحساس الصح من الطرفين
عجبتيني يا دندن من اخر تعليق ايه رأيك تتولي مسئولية تجميع نقاط الحوار في التعليقات كل اخر موضوع عشان نجمع نقاط نوصلها من تعليقاتنا و موضوعنا مش هنا بس في باقي المجموعه
Post a Comment