Thursday, June 15, 2006
صديق و صاحب
يعني ايه صديق و صاحب و حبيب و زوج و عشيق وأخ ؟؟ عارف الفرق بالظبط تعرف تفرق بين اللي تعرفهم و تقولي اي واحد تحت اي مسمي و ليه و إشمعنه ده مش حد تاني؟ سؤال جامد واللا عادي؟ طيب حاول و قوللي و ياتري ممكن واحد يشترك في كذا إسم؟؟ و يا تري هو كمان بيعتبرك تحت نفس المسميات و الناس دي فعلا كده واللا احنا بنوهم نفسينا انهم كده و ممكن يتحولوا في اي موقف لحاجة تانية؟ أنا مثلا بقول وده رأيي إن الأخ عمره مايكون زوج مثلا هاهاها. بس مش ممكن تلاقي اخ يعوض اخوك ابن امك وأبوك. الصديق يكون صاحب صاحب في شغل في سفر في مشوار بس الصاحب محتاج كتير ليكون صديق. الحبيب مش دايما بيكون الزوج بس الزوج ممكن جدا يكون الحبيب والصاحب والصديق. العشيق ده ايه أنا مش عارف بيقولوا انه درجه من درجات الحب فطبيعي ان العشيق يكون الحبيب والزوج طبيعي وإلا تكون مش طبيعي لما يكون عندك حبيب و شخص تاني زوج و شخص ثالث عشيق القلب مايتجزأش بين حبيب و عشيق . و علي رأي الحاجه ليلي مراد: بحب اتنين سوا الميه والهوا.. اللي عنده رأي يا ريت أعرفه ..
Subscribe to:
Post Comments (Atom)
2 comments:
اه يا احمد من حكاية المسميات دي واااااااه اكت من سؤال انت ايه بالنسبة للآخر مشكلة فعلا انك ترسم وتعبر لشخص عن مكانة جميلة له في حياتك وبعدين تلاقيه هو شخبط علي رسمتك لما قالك انت ايه عنده!!!!! ممكن ابقي اكتبلك خاطرة حول هذا.
دينا حاتم
ممكن طبعا.. جدا خالص؟..
Post a Comment