بحر.. ميه.. هوا.. رمله..موجه ورا موجه.. ناس ماشيه و ناس قاعده و ناس نايمه و ناس بتحكي و ناس بتلعب و ناس ناسيه ,, ناسيه كل ده و شارده ..شارده في اللا نهايه او نهايه شئ مش عارفينه بس بيدوروا عليه.. هناك لما السما الزرقا تقابل البحر الغميق.. هناك ممكن . ممكن نلاقي اللي عايزينه , نلاقي ناس تحبنا من غير غرض . ناس عايشة معانا بيخافوا علينا و يرضونا..نرضي بالحياة ونتقاسمها.. مش مستحيل دي قدامي اهي السما بتقابل البحر .. انا شايفها اهي..! صحيح مستحيل .! ليه مستحيل ؟! صحيح قابلت كتير و دنياهم بتشغلهم عني, بيبعدوا و يقربوا عني, وقت ماحتجهم مش دايما بلاقيهم بس ساعات تانية كمان بيقفوا جمبي. طمعان كعادة البشر.. تتمني الكل. و الكل مش ليه. بس انا مش زي كل البشر بحب كل البشر بتمني كل البشر يحبوني.و هتعمل ايه عشان يحصل؟! اكيد هحاول و أحاول . لو موصلتش لهناك لما السما تقابل البحر, اكيد هكون قربت و حاولت. و المحاولة شئ جميل. و صدقني هكون مبسوط إني قربت من مكان ناس كتير ماحولوش و ماعرفوش يوصلوله .. هناك لما السما تقابل البحر لما تلاقي اللي انا عايزه..ناس تحبنا. يحبونا . يخافوا علينا..!
No comments:
Post a Comment