حاولت لكن ماقدرتش..ايدي مش قادرة تمسك القلم و تكتب زي زمان..زمان ده مش بعيد قوي ده من كام يوم من كام اسبوع. ايه اللي حصلك؟ مالك؟ يمكن مشغول!! يمكن مش لاقي الموضوع الجديد اللي تكتب فيه؟!! ممكن تكون فترة نقاهه.. لكن فيه جملتين من اتنين ليهممعزة عندي.. و للأسف الأثنين بنات حلوين.. كان نفسي يكون فيهم علي الأقل ولد من الولاد اللي بقول عليهم اصحاب..بس اللي حصل." أنا مستنيه حاجات منك ياحمد بتاعتك تقول ده أحمد .. ده مش مستوي كلامك عندك احسن واحسن" والتانيه قالتلي"وحشني كلامك عي الموقع مستنية كتاباتك فعلا لاني حاسة انك هاتطلع حاجة جامدة ان شاء الله بعد طول الغياب
لو مش عارف تكتب اكتب قول حاسس بايه طلع الغضب او السلام طلع فرح..حزن..خوف..قلق..حب..كره حتي لو احساس طفولي او احساس الشيخ العجوز عايز تجري وتضحك وتتنطط ولا نفسك تبص للقمر
نفسك تحب او تعيش كأنك بتحب ولا عايز تعيش لحظات سكون وهدوء عايز تكون في جزيرة وسط البحر حواليك خضرة وفوقك السما ..تكون لوحدك ولا تاخد معاك صديق ولا تاخد حبيبتك(حتي لو مش ليك حبيبة) ساعات احلام القظة بتنفع لكن ما تسيبش نفسك ليها كتير لانك هاتتعب "
لو مش عارف تكتب اكتب قول حاسس بايه طلع الغضب او السلام طلع فرح..حزن..خوف..قلق..حب..كره حتي لو احساس طفولي او احساس الشيخ العجوز عايز تجري وتضحك وتتنطط ولا نفسك تبص للقمر
نفسك تحب او تعيش كأنك بتحب ولا عايز تعيش لحظات سكون وهدوء عايز تكون في جزيرة وسط البحر حواليك خضرة وفوقك السما ..تكون لوحدك ولا تاخد معاك صديق ولا تاخد حبيبتك(حتي لو مش ليك حبيبة) ساعات احلام القظة بتنفع لكن ما تسيبش نفسك ليها كتير لانك هاتتعب "
بصراحه انا زعلت علي نفسي مش عشان حاجه وحشه لأني سيبت نفسي للشغل ومتاهة الحياة اللي خلتني في مرات كتير انسيناس وناس تنساني و افقد حاجات..
كلام البنتين الحلوين دول خلاني اكتب و اكتب و ان شاء الله هتلاقواحاجات بس محتاج وقت ..عن احلام اليقظة اللي قالت عليها الحلوة التانية..اللي ساعات فعلا بتنفع و ساعات تانية تتعب.. و مريت فعلا بالاتنين.. و هتكلم في القصه دي كمان بس اصبروا عليا..
ساعات الواحد بيحتاج فعلا لأيد تخبطك تزقك تقولك اتحرك قوم فوق اتكلم و ثور.. بتكون عارف وعايز بس مستني حته صغيرة هي اللي تكمل الموضوع..
4 comments:
ماتزعلش من نفسك يا احمد لان متاهة ممكن تاخد اي حد في دوامتها وده اكيد حصل غصب عنك ترجم الزعل ده لكلام او حوله لاحساس سعيد وكلام برضه اكتب اللي يجي مش مهم حلو او وحش او انه في مستوي الكتابات الاخري او لأ المهم انك تخرج اللي جواك وبس حاول تعيش شوية في حالة صفاء ذهني وافتكر كلمتك ليا بان الانسان لازم يفضفض وإلا هايتعب ويقع في الاخر
dondon
احنا هنستني منك احلي كلام واحلي الموضوعات وبراحتك بس مش عيزين الموضوع يطول بس انا عايزه اقولك ان الي انت فيه ناس كتير بتمر بيها انك تكون زهقان ومش عارف تعبر عن الي جواك بس طلما بدائت تكتب ده مواشر جميل لبدايه جميله ربنا معاك ويساعدك علي الكتابه
الطائر الحزين
ميرسي يا طائر.. و أكيد انا مبسوط باللي كتبته و نفسي اكتب كمان و كمان..انا شوفت كام موضوع كتبته في اللوجر لحد دلوقتي و لقيت نفسي عديت 62 موضوع ده شيء جميل..و ان شاء الله بيكوا هكمل و اكتب ..
لا مش بينا هاتكتب وتكمل لكن بمشيئة الله عز وجل احنا مجرد اسباب في طريقك
dondon
Post a Comment