ليه اتكلم علي الحب..
ليه اتكلم علي الحبيبه.
ليه اتكلم مادام الكلام معروف,, مادام الكلام مفهوم ,مادام الكلام خلص ..
الدنيا فيها كتير ليه نحصرها في الحب؟..!
سؤال غريب.. فكرت فيه شويه.. لقيت كلامي بيروح للحب..
الحب ده طاقه ..بتتولد مع كل انسان زي رجليه زي قلبه زي عنيه زي حاجات كتير بنتولد بيها..
بحب ماما بحب بابا بحب الأكل بحب اخواتي بحب اصحابي بحب السفر بحب البحر بحب الخضرة و الجمال.. بحب ارسم بحب اغني بحب اعزف.. بكبر و بحب حاجات تانيه بستخدم الطاقه دي بحاول اوزعها.. بحب بنتعرفتها.. بحب اكمل معاها و حبها بياخد طاقه اكبر واوسع..تقل طاقة الحب لأصحابي..للوطن, لحاجات تانية و تاخدها تجاه البنت .. راحت البنت ترجع توزع الطاقه تاني..حتي توصل اللي هتكمل معاها الطريق.. هتاخد كتيير و كتيير من الحب من الطاقه هتجيب أولاد هيخدوا كمان.. فين الحب ده اكيد موجود في علبه في حاجه كبيره تساع الطاقه دي كلها.. تستوعب كل الحاجات و الناس دول.. الله.. ربنا.. بنحب كل ده و كل الناس دول والحياه و الأهل و الطبيعه و الجمال.. لله.. في الله..هو اللي اعطانا النعمه دي من ضمن نعم كتير ..
أكيد بنحب و هنفضل نحب لحد مانموت.. و هيفضل كلامنا و حكاياتنا عن الحب..مادام عايشين..
4 comments:
اعتقد اننا لايمكن ان نتوقف عن الحديث عن الحب فيولد الطفل ويشعر بمشاعر الحب والامان وهو بجانب امه وهذه المشاعر تكون بالفطره ولماذا لا نتكلم عن اجمل واعظم مشاعر في الوجود لانها لاتحمل الحقد او اي مشاعر غير محببه الينا ولهذا لا يتوقف عن الحديث عن الحب
الطائر الحزين
عارف كلامك ده بيفسر احنا ليه كل ما نكتب او نتكلم او نحكي او او او كله عن الحب.حاجة فعلا داخلة في كل ذرة بحياتنا واعظم واجمل حب هو حب الله عز وجل ثم حب الرسول إن شاء الله يكون حب يدخلنا الجنة ندخل نلاقي كل اللي بنحبهم معانا بابا ماما اخواتنا اصحابنا قرايبنا الخ الخ الخ
dondon
فعلا كلامك فيه حاجات كتير صح الحب في كل حاجه بيشملنا طبعا حب الله و اي حاجه المفروض نحبها في الآخر هي في الله لله..
يويو$$
أكيـــد ياحمد لان الحب هو الحياه ..وباستمرار الحب تستمر الحياه بدايه من حبنا لله مرورا بأهلنا لحد ابنائنا كمان..ودايما بيكون الحب موجود وفصفص العشاقين بتزيد بالرغم من فشل بعضها ..هى الدنيا كدا
Post a Comment