نظرلي نظره بقرف وقالي:- عايز ايه؟ غير لقمه نظيفه، و هدمه كويسه، و عربيه بتمشي و فيها كاسيت ، وكمبيوتر فيه انترنت ، و صلة دش ، وأصحاب تخرج معاهم و تقضي وقت مش بطال..دانت تبقي طماع قوي.
قلتله: و هو ده كله و مابقاش طماع؟! يمكن..
بس ناقصني أحب واتحب.. والا الإنسان مابيملاش عينه غير التراب زي مابيقولوا..
قالي: و تفتكر لما تحب هيحبك زي مابتحبه..أو تتحب و تحبه زي مابيحبك.؟ هتلاقي حاجه ناقصاك.
هو لازم ملاقيش اللي نفسي فيه .. لازم تطلع حاجه ناقصه .. ماينفعشي الأثنين معا.. في لكشه واحده.؟!
10 comments:
ايه الطمع دي عايز كل حاجه معه حق انت تعبته معاك ..............بس ربنا يوفقك وتلقي كل اللي انت عايزه وبتتمني ولك شرف المحاوله والطموح برده حلو
ممكن الواحد يستغنى عن النت والدش والعربية والكاسيت والكمبيوتر بس مش ممكن يستغنى عن نبض قلبه والحب في حياته والا فقلبه حديقة جرداء
ثم ان المعادلة ليه لازم تطلع غلط الواحد يختار صح تطلع المعادلة صح ويحب ويتحب صح وميكونش في حاجة ناقصة زى ما هو بيقول
moon light lover
عاشقة ضوء القمر
Loksha!!! eh el lafz da.. howa lesa mosta7'dam aslan?!!!!
b3dein eh el kalam da.. howanta faker nafsak ma7zouz wala eh.. ya ragel rawa2:D
أما انت صحيح طماع..عايز كل حاجه و كمان صح زي مانت عايز.طبعا عارف مين كان الحوار ده معاه..
علي رأي جاسر.. انت فاكر نفسك محظوظ..مافيش ناس زي دي في وقتنا ده.
عارف ياأحمد الأنسان كدا..لما تحب وتتحب هتفكر فى ان برضه فى حاجه ناقصه علشان كدا لازم نعمل كنترول ونقول الحمد لله حتى على القليل
لأ ...لأ
ليه بتقولوا كده ؟؟؟؟
انا بحلم زيك يا احمد بس اهم حاجة في حلمي هو الحب دا دقة قلب بصدق
حياة تمشي كلها سعيدة جميلة
ليه لأ ليه لأ
بطلوا التشاؤم ده
هاتقولوا اني ببص للحياة بنظارة وردية؟؟؟؟
برضه لأ....عارفة ان الحياة فيها كل حاجة وفيها كتير اهات والم وحزن ومشاكل
لكن.......ليه ما نحاولش نتجاوز ده بإذن الله
وعشان اكون واقعية لازم ماننساش ان فيه حقيقة هامة وهي
ان ما فيش في الدنيا سعادة كاملة
لانها ليست دار المستقر
لكن...........زليه ما نحاولش نستمتع باللي ربنا اعطاه لينا ونحمده ونشكر فضله كمان نعمل زي ما أمرنا سبحانه
ندعي....ايوه الدعاء
ونظن بالله خير
كمان ياجماعة عشان حكاية الظن ودا اصلا موضوع كبير..لكن في كلمتين
اللي هاتتمناه هاتلاقيه
انت ياللي نفسك في حباة حلوة دافية حتي لو من غير دش وعربية وماله ليه لأ خلي ظنك بالله انه يرزقك
اما انت ياللي بتقول يووووه يعني هو فيه حاجة عدلة اه ماهي هاتحبني النهرادة وبكرة ترجع لحقيقتها وتبقي بنت ستين في سبعين
كل واحد فينا عارف نفسه من جوه وزي ما هايكون ظنه بالله ان شاء الله هايلاقيه
وانت يالوكاش بقولك احلم واتمني وما فيش حاجة بعيدة علي ربنا عز وجل
وسيبك من نبرة اليأس اللي مع حلمك
ان شاء الله تبقي حياتك كريمة مع واحدة زي الكريمة تحبك وتحبها وتعيشوا مع بعض في اجمل حياة علي طاعة الله
ان شاء الله ليك وليا ولكل الناس
اعذروني ياجماعة عشان طولت عليكم لكن حسيت اني عايزة اتكلم
شكرا لسعة صدركم
يا دندن دايما واقفهجمبي كده.. الحمد لله علي كل شيء يا روني..
و حتي لو ماحققتش اللي بحلم بيه علي الأقل حققت جزء منه عشان كده أحلامي كتير فيها من الخيال و البعد عشانلما احقق حاجه بسيطه منها بتبقي كبيره ..
يويو و جاسر يا جدعان هو الحلم بفلوس عليكوا احلم قبل مايغلي و يبقي بالفيزا بعد كده.
ضي القمر و آيه.. هو ده اللي الواحد محتاجه فعلا المعادله الصح مع الشخص الصح اللي يساعدك في حلها والمحاوله شيء جميل زي الطموح اللي مع واحد عايز يطمح معاك بتمشي الحياة و الحلم مع بعض.
انا استنيت لما اشوف ردود الناس عليك و كلامك كمان.. و دلوقتي اقدر أقولك.. يخرب بيت اللي يزعلك.
حلمك جميل و يارب يتحقق. مش مستحيل. حتي شوف..و جملتك حلوة و في الجون" شيء جميل زي الطموح اللي مع واحد عايز يطمح معاك بتمشي الحياة و الحلم مع بعض"
ازيكم يا جماعه,بجد ارائكم جميله اوى فى الموضوع المهم ده,بس اسمحولى اقول لدندن ان كلامك جاب المفيد,
لازم نكون متفائلين بس فى نفس الوقت منضيعش الحاضر الجميل فى البحث عن الشىء اللى ناقصنا
عشان عمرنا ميخلصش واحنا بنجرى ونجرى ونجرى
سوليد
Post a Comment