يااااه.. أوووف..ايه ده؟ ماتوسع شوية مافيش دم؟..
مانتي ليكي عربيتين مابتروحيش تركبي فيهم ليه بدل مانت مزنوقه وسط الرجاله كده..
وهما يعني كتبوا علي العربيات الباقيه للرجال فقط..؟
لأ..
خلاص انت ايه اللي مزعلك؟
صحيح أنا ايه اللي مزعلي.. ياعيني علينا يارجاله..
18 comments:
ماتقولشي ان الموقف ده حصل معاك فعلا..هاها.. أنا لو مكانك كنت نزلت المحطه اللي بعدها علي طول. بس فيهفعلا ناس تبته و جبلات كاشفين وشهم و مابتفرقشي معاهم.و طبعا بتوفر علي نفسك وجع الدماغ من الكلام معاهم و تسكت. الأشكال دي أكنهم مش موجودين وتقف براحتك ياد.المترو متروأبوناال.... يطردونا.
بصراحه الواحده فينا المروض تعمل قد ماتقدر انها تركب في عربيات البنات و لو مقفله خالصو ده العادي أمرها لله تركب في العربيات التانيه بس تحاول تاخد زاويه أو جمب عشان مايحصلشي ده.عشان مايبقلهاش عين تقول حاجه لو اتزنقت هي اللي جابته لنفسها.ماتزعلشي يا أحمد هي وحشه.
ايوة فعلا هى وحشة ياحمد وانا معاكى يا يويو
بس ياحمد ممكن اعرف فين العلاقة بين ده واللى قبله؟لان معلوماتى ان حوار بتاع ده حوالى 5 او 6 حلقات ففين السؤال على راى سعيد صالح انا احط ايدي على السؤال تلاقيني فريرة
عاشقة ضوء القمر
المترو اده اغبي وسيلة موصلات مع انها بتحل مشاكل لناس كتير
اوف هررر ايه ده
الطائر الحزين
يا طائر مش بس حرر أووف دي حاجات تانيه..وخلي الطايق مستور.
وضي القمر..بخصوصسؤال بتاع و كانوا 5 الحقيقه مالقتشي في الباقي يستاهل و بطريقة ما حولتهم لواضيع تانيه هتشوفوها في الفترة اللي جاية.
وبعدين الدنيا مش كلها كده يعني لازم ننوع.
نوع و اتحفنا بأفكارك براحتك بس خلي بالك من الحراميه و النشالين و الحركات البنات في المترو.. ماشي..
دلوقتي بتشتكو منهم ولو بعدوا عنكم ترجعو تقول يا ريت اللي جري ما كان ماله المترو مضايقك وبعدين ايه يعني عربيتين للسيدات ما انتم عندكم باقي العربيات بس خلي بالك احنا اصلا حاطين العين علي باقي العربيات بصراحه ربنا يكون في عونكم
المترو يا سلام على جمال المترو
معرفش انتو زعلانين منه ليه
طب انتو عارفين مزاياه ايه طبقا لاخر احصائيه
هقول لكم
1-احسن طريقه للانتحار واسرع واقل تكلفه ووانت واقف على الرصيف كمان لو عاوز
ديلفيرى يعنى
2-اختراع جديد لعصر البنى ادم يطلع من الناحيه التانيه
اقصد المحطه التانيه بالمزايا الاتيه
فاقد الذاكره_وممكن فاقد المحفظه او الشنطه حسب قوه العصر
محمر الوجه كالطماطم المعصوره تماما ليس من حراره الجو
لا ده فى جوه تكييف على فكره
بس من شده العصره وممكن مع كام قفا غلط او المدام اللى واقفه لقيتك قاعد مستريح قالتلك شيل المحروس الامور ده شويه
3-بيطبق مبدا خير وسيله للدفاع الهجوم
وده بيظهر جدا طبعا عند الركوب وممكن كمان النزول لو تم يعنى
اخر ملحوظه كانت فى الاحصائيه عرض خاص من هيئه المترو لمده محدوده او انتهاء عدد التذاكر
اركب المترو من1الظهر لغايه5 المغرب
يوصلك مجانا لاخر الخط
شئت ام ابيت
خدمه مجانيه
وبتقولو عليه وحش حرام عليكم
اما بخصوص البنت اللى انتو بتتكلمو عنها فاكيد اكيد هى من نوعيه طماطم مستورده
وانا بنصحكم كلكم بضروره مقاطعه هذه المنتجات
مع تحيات
مواطن مصرى مطحون
اسف معصور
سوليد
طبعا انتو بتسالو عن سبب الفكاهه اللى انابقيت فيها دى
اصلى بحب جديد
عقبال عندكم كلكم
ابعتو التهنئه على
0 000 000
او من اى موبيل على
1234
او اميل على
www.nos-com.com
وشكرا
سوليد
10000 مبروك يا حاج أبوسوليد.. مش تقول يا راجل عايزين نفرح .. ايوه كده أعياد ميلاد و افراح كده.. عقبال ماجوزكم كلكم وافرح بيكم قبل ماموت .. بس ساعات الواحد بيبقي نفسهفي حته مستورده كده يغير بيها ريقه..
ياآيه: احنا مانقدرشي نستغني عنكم داحنا من غيركم مانسواش 3 جنيه و نص. يا سلامده لما واحده بتخش علينا عربية المترو بتعمل جو كده و تلاقي المترو نور.. ياسلام.. داحنا نسيبلكوا المترو خالص و نروح نركب في كابينة السواق..
ونعم يا سوليد رايك في المترو هايل بس لو يعملو عربيات للستات وعربيات للرجالة يبقي حلو اوى وممكن عربيه كده للاتنين عشان لو واحد عايز يخرج مع الامورة بتاعتو ولا حاجة ههههههههههههه
ومبروك ياسوليد بس اوعى تنسي تعزمنا على الخطوبة ولا الفرح ولا اى حاجة
وفعلا ياحج احمد المستورد حلو بردو والمترو بيفوق لما بتطلع فيه واحدة انا معاك بس ابقي غض بصرك يا فالح منك له هو انتو ناقصين ذنوب
واذا كان على النور ربنل يخليلنا اللمبات اللى فى المترو
انا نفسي اشوف واحد منكم منظره ايه لما يركب غلط في عربية الستات زى امير الظلام اعتقد هيبقي اخر مرة اشوفو
عاشقة ضوء القمر
انتو بتدونا فرصه نغض البصرواللا اي حاجه يمين و شمال و فوقناو تحتنا كمان ارحمونا بقي أنا عايز يعملولنا شارع بنات و شارع ولاد عشان مايحصلشي نصيب و نشوف بعض اساسا..ولو دخلكوا واحد بالغلط في عربية البنات يووه.. بيكون أخر يوم في عمره بتبهدلوه و تطلعوا عينه مش معامله يعني انما احنا لو جاتلنا واحده سنيورة أو حتي خنشورة بنقوم و اتيكيت بقي و كده و نقعدكم ماكانا يعني بنطالب بحقوق الرجل كامله مش أكتر.
ايه ده ايه ده هي بقت كده معامله و حقوق.. يا عم روح ماكنشي حد غلب. قال بيقوموا دالواحده تبقي شايله عيل و حامل و سايبنها لما تقع وسطيكوا و تقولوا اتفضلي.. و يا أستاذ سوليد ان شالله تكون بخير كده و الأخبار دي تطلع علي الجزيرة كده و تفرح عمنا أحمد كده و يفرح بيك. واحنا لأ؟؟ ماتشوف لينا عرسان حلوين كده زيك ياأحمد واللا انت اللي عايز عروسه؟
ياعم احمد مين دول اللى يعرفوا الاتيكيت وبيقومو يقعدو السنيورة ولا الخنشورة دى؟؟؟؟
داحنا اللى بنقعد الناس الكبار ونقف احناوياما قمت وقفت في مواصلات عشان اقعد ناس مسنة وجنبي لوح مكتوب في بطاقته ذكر وكانه مش واخد بالو
moon light lover
عاشقة ضوء القمر
من الوضح ان الموضوع اتقلب الي مطلوب عروسه ومطلوب عريس يا جماعه انتوا فهمتوا غلط هنا مش السوبر ماركت السوبر ماركت اول بلوجر علي ايدك الشيمين
الف مبروك يا سوليد وعقبال الباقين وبعدين يا اخي اكسب فيهم ثوب ومن قدم ثوب بايده التقي الخير وهنيه لك يا فاعل الخير وقولهم عن مكان السوبر ماركت او هات لهم عرسان من الصنفين
ههههههههههههههههه
واضح اني جيت متأخرة فعلا والموضوع شغال هنا جامد لا والله هايلين يا ولاد تربية ايدي برضه
سوليد الوصف اللي انت عملته ع المترو تحفة فعلا رغم اني بحب الوسيلة دي
يمكن تفعيص ولا حر بس يا جماعة خدوا الحياة بشكل ابسط من كده عادي يعني
سوليد العزيز اللي بيحب جديد ايه رايك يا باشا تكتب لنا حاجة عن الحلوة اللي بتحبها بما ان اسلوبك حلو كده وننشرها لك في صفحة الجميلات يلا هيص ياعم هاتدخل تقعد مع الجميلات
هههههههههههههههه
بس صح ما تنساش تعزمنا ان شاء الله خير
بس تقولي من بدري عشان الحق اجهز السواريه وكده
يا ايه معلش بقي احنا البنات تعبانين وكمان هما الشباب تعبانين
سيبي الناس تتفك بكلمتين
وبعدين هو انتي لسة من ايام السوبر ماركت
يا بنتي دلوقتي تجيبيهم بالدستة وفي الديب فريزر علي طول
لا ياشباب اوعوا تزعلوا
يالا ويا بخت من وفق راسين في الحلال
يا لوكش باشا شكرا جدا وعلى فكره لو عاوز يعنى عندى ليك حته مستورده انما ايه شايلهالك مخصوص بس انت تامر
وانتى يا عاشقه طبعا انتى معزومه من غير عزومه طبعا ولا ايه,وكمان لو عاوزه شفتلك واد انما ايه على ذوقك بس انتى فكرى وقوليلى
لكن حكايه عربيه مخصوص ليكم ليه ان شاء الله ,ولا اقول لك احنا نسيب لكم المترو احسن عشان نرتاح ونريح اللى بيحبونا زيك كده
وانتى يا جاسمين جزيره ايه بس احنا مش عاوزين فضايح
ده البت اهلها ميعرفوش انها ماشيه معايا اسكتى ربنا يهديكى
ولو عاوزه انتى كمان عريس قليلى المواصفات بس وسيبى الباقى عليا
وانت يا ايه انا عرفت سوبر مركت جديد للعرسان من النوعين جميل جدا ولازم تيجى بنفسك عشان تنقى
تحبو اكتب لكم العنوان كمان
بس ايه ده محدش علق على المترو بتاعى تعليق سخن كده
مينفعش كده على فكره انا كده مش هعلق تانى
جاسمين اوعى تصدقى ان اهل البت مش عارفين
ده حتى ابوها كان لسه معايا امبارح فى نت كافيه
سوليد
Post a Comment