حب ايه و بتاع ايه؟ انتم شاطرين غير في كده.مافيش في دماغكوا حاجه غير الحب والبنات والولاد و قلة الأدب دي. خلاص مافيش حاجه تشغل تفكركوا وكلامكوا. الحياة خلصت من الحاجات المهمه الكبيرة صفصفت علي الحب. شباب آخر زمن..
طيب مالحب يا عمو في كل حاجه في حياتنا فعلا حتي لو اقتصرناه علي حب بنت أو ولد زي مابتقول.و بعدين عايزنا نفكر و نتكلم في ايه يشغل بالنا و مستقبلنا غير الحب عندك حاجه؟
يا سلام.. مافيش وطن عايزين تخلوه يقوم علي رجليه و تخلوه أحسن ، مافيش دين نفسك يرجع قوي زي الأول قضايا العيشه و اللي بيعشوها.
طيب ماهو كل ده يا عمو هيتعمل ازاي من غير الحب. لو مش بتحب دينك و بتغير عليه مش هتقدر تخليه يرجه قوي..و لو مش بتحب بلدك و بتخاف عليها مش هتعرف تغير حاجه فيها حتي لو السواد كان مالي الدنيا حواليك.حتي لو فقدت الأمل في التغير هتلاقي حلول حتي لو مع نفسكو القريبين منك.. لو مش هتحب شغلك و تخاف عليه مش هتقدر تثبت نفسك فيهو تقوم بالمطلوب منك و لو بتحب واحده و ربنا كتبهالك زوجه عايشين بتحبوا بعض هتذلل أي حاجه ممكن تفق في طريق حياتكم و تحب ولادك عشان تربيهم كويس و يحققوا اللي مش عارف تحققه في بلدك أو دينك.. هتلاقي الحب في كل حاجه حواليك.. واللا ايه يا عمو؟!!
8 comments:
يا عمو اسمعنا ماهو لو انتوا بتحبونا كنتوا سمعتنونا وساعاتها كنتوا فهمتونا وعرفتوا ان الحب مش كلام فارغ ولا لعب عيال قيس لم حب ليلي كتب فيها اجمل الاشعار اللي لحد دلوقتي مش قادرين يكتبوا في بلاغتها وعنتر لم حب عبله اتحد جيوش النعمان وهو لوحده ومفيش في قوته ولا شجاعته بالحب ، الحب زي ما بيقوي برده بيضعف المهم احنا ها نفهم ازاي هانمشي صح ولا غلط يا عمو احنا كبار وكبار قوي حولوا تفهمونا بدل ما حنا في عالم وانتم في عالم تاني
برغم كل شئ
هيفضل الحوار ده يتقال
زى ما اتقال من 81 سنة
وهيتقال انشاء الله بعد 82 سنة
ويظل الحب هو ذاك الذي يحيرنا ويعذبنا ونحبه ونطلبه
يا جماعه الحب ده كل حاجه في الدنيا احنا بنحب كل حاجه حولينا ولو الحب عيب او حرام مكنش الرسول عليه الصلاه والسلام دعا ربنا وقال"اللهم ام رزقني حبك وحب من يحبك وحب كل عمل يقربني الي حبك" ويكون دعاء جميل يدعوا بكل كلمه به عن الحب
الطائر الحزين
يا جماعه كلها يومين علي عيد الام عيزين نقرا احلي كلام واجمل احاسيس واوعي يكون في حد بخيل ومش ناوي يجيب هديه وانا مستعده اسلف الي معهوش فلوس يجيب بس اي شي بسيط ممكن يسعدها وربنا يخلي لكل واحد ست الحبايب وده اجمل نوع من انواع الحب لانه بدون اي اهداف غير الحب
الطائر الحزين
فعلا الحب ده موجود في كل شئ بحياتنا بس المهم اننا ندرك ده لاننا لو فكرنا صح هنلاقي دى الحقيقة انا لو مش بحب البلوجر والناس اللى هنا مكنتش جيت هنا ولا كتبت ولا قريت ده طبعا على سبيل المثال
moon light lover
عاشقة ضوء القمر
في كل حاجه صح.. بس احنا شايفينه و لو شفناه هل الطرف التاني شايفه هو كمان و الا محتاج يعرفه زينا. نعبر عنه بكل الوسائل بس صح عشان يوصل صح لأي حدلأي شيء في أي مكان..
حبيتك ..و بحبك.. و هحبك علي طوول.
انت طبعا عارف مين عمو ده اللي اقلك علي الكلام الجميل.. بس تعرف ان عمو غير رأيه لما سمع كلامك و كلامنا معاه و قدر يغير رأيه عننا. الشبابحلو والله و كلنا حاجات جلوة مش ضايعيين ولا تافهين. بس ادونا الفرصه و كلمونا.. هتفهمونا زي ما آية قالت. اللي خلانا نقنع الناس الكبار اللي قابلونا و كان الموقف ده معاهم يقتنعوا بينا و يحترمونا اننا اتكلمنا معاهم صح. ودي أهم حاجه.
Post a Comment