علي شاطئ بحر المتوسط.. في ليلة صافيه هادئة.. تمددت بجسدي علي الرمال الناعمة و نسيم البحر الهادئ يداعبني..خلعت حذائي بجانبي.. و سرحت في نجوم سماء ليلي الهادئ.. أغلقت عيني للحظات مع شهيق عميق يطهر رواسب يومي المزدحم داخل صدري..
إعتدلت من نومي لأعود الي يومي الممل لأجد...................... حذائي قد سرق.
15 comments:
سيبك من كلامك و ووصفك للحظه جامد كالعاده و الحاله الجميله دي.. المهم عندي عرفت تجيب حزائك الذهبي ده واللا روحت بيتكوا حافي؟؟
ايوة صحيح روحت ازاى وبعين هو انت نمت ولا كنت صاحى والاتنين اسوا من بعض
بس بجد احساس تحفة مش ان الجزمة تتسرق لا احساس النظر للنجوم وللقمر طبعا من على شاطئ البحر وتكون هى اول شئ يقابله عينى نفسي يعملو بلاج بنات بس علشان اجرب اعيشه ولا هو انتم لازم تبقو في كل حتة؟
عاشقة ضوء القمر
خلاص ومالو اتسرقت ماشي
بس عيش اللحظة الحلوة وخلاص بعدها ربك يحلها
وانا مع العاشقة في شاطيء البنات
مش مهم تروح عريان حتي مانت علي البحر و حر و كده.المهم انك عشت لحظه حلوه طلعت البلاوي السوده اللي جواك زي مابتقول نفسي في كام لحظة من دول.تيجي نروح اسكندرية في شم النسيم؟
شط بنات ايه انتم اتهبلتوا أمال مين يمشي يعاكس و يمشوا يدلعوا و يتهشتكوا و مين هيقول يا قليل الأدب و يلم الناس عليهم. هتحسوا بالملل و الكآبة لو لوحدكوا.. اسمعو الكلام.
هقولكم عملت ايه بس لما اسمع الباقي..فين نادر و سوليد و آية..
طيب في الاخر لقيت حزائك علي انه باب جامع عمال تقولي بحر وشمس ورمله اطلع من دول وقول ان دا بذنب اللي انت كنت بتعكاسهم علي الشاطيء
سوليد بيايدك قال شاطىء بنات قال والنبى تبطلى تقاليعك دى يا عاشقه وانتى يا دندن يا عاقله تمشى وراها برضه كده
اما عن اللى اتسرق منك نفض المهم شفت البت اللى عدت دلوقتى دى ولا لا
وبالنسبه لاسكندريه فدى هنخليها للحلوين اللى بيذاكرو بس يعنى لا انا ولا العاشقه هنروح عشان احنا فشله وكمان مستنيين النتيجه ادعولنا يا جماعه ربنا يفكها عليكى ونعدى
متقولو امين
سوليد
امين يا سوليد
لكن بلاج للبنات مش تقاليع يا خفة خليكو انتو بس فاتحين عينكم على الرايحة واللى جاية ودى حلوة ودى وحشة يلا اللى بيشيل اربة مخرومة ......
وبعدين يلا حملو ذنوب بقي
ثم يا سوليد عيب لانك خلاص ظهرت عندك حاجة حلوة في حياتك ولو عرفت ان عينك زايغة هترفضك بس يلا خليك حلو وبطل واحنا هنستر عليك
واحمد انت عندك اخوات بنات فمش حقول غير عيب
ولو عايزين حد يقول يا قليل الادب اطمنو كتير اوى ههههههههه
عاشقة ضوء القمر
هو عشان ليا اخوات بنات أو لأ أمشي باصص في الأرض واتكعبل و اتخبط. و بعدين أنا كنت نايم في حالي بتفرج علي النجوم و البحلم بالحياة الحلوه و اتسرقت يعني انا المفتري عليه. و علي فكره بقي فيه بنات مش هقول انهم بيحبوا يتعاكسوا بس هقول انكم بتبصوا علي الولاد و تقولوا شوفي شعره شوفي طويل اهبل و ده عامل كده و ماشيمع مين.. واحنا يا غلابه لو حد بص كده واللا كده الدنيا بتقوم عليه
اولا دى تقاليع وانا مصمم على كده
ثانيا سوزى عارفه اخلاقى كويس وانى مش وش ذلك وكمان يعنى هو فى بنات...ولا بلاش لتزعلو
وعلى فكره باه انا عارف اللى سرق الجزمه البت اللى ماشيه هناك دى
وانا معاك يا عم لوكش واقولك حاجه على ايدى باه تلاقى البت واقفه تقولك بس الواد القمر ده بص البدله اللى لابسها تهوس ولا الواد الطويل هناك ده وتيجى انت تبص على برصه معديه تقولك لالالا كده عيب يا شيخه روحى وقولو لنفسكم الاول
طبعا مش كل البنات زى ما مش كل الولاد
بس بجد انا زعلان منك يا عاشقه عشان تقولى كده عليا ماشى شكرا يا ستى
سوليد
ده تطبيق لنظرية خير وسيلة للدفاع الهجوم
احنا عندنا حياء بردو
انما يلا اقول في حقكم كلمتين
بجد الناس اللى هنا مش كده هم بردو ناس محترمة جدا وفعلا
عاشقة ضوء القمر
يا جماعة منعا للفهم الغلط انا كنت بهزر بس مش اكتر
عاشقة ضوء القمر
ايه دا انتوا فيه ايه؟؟؟
الظاهر الشباب هنا عندهم كبت ولا ايه؟؟
ياتري لو نادر هنا كان قال ايه؟؟
سيبك ياعاشقة دول عندهم فراغ يابنتي لكن احنا علي حق وان كانوا هم عايزين يشيلوا ذنوب من البص علي البنات اياهم احنا مالناش دعوة لاننا مش من البنات دول
وسيبك هم يبصبصوا بس في الاخر يجري بالمشوار ورا المحترمة اللي زينا
يا جماعه انتم مش واخدين بالكوا انكوا سيبتوا مشكلتي و نسيتوها و ركزتوا في معاكسة البنات. مايتعكسوا.. المهم عندي الجزمة اللي اتسرقت و روحت حافي..
ادي ضريبه الاسترخاء وكان ايه لازمته بس
ياعيني هيروح ازاي الوقتي
Post a Comment