اتعذبت كتير.. اتجرحت أكتر. بنسي. بعيش بحب واتحب.ببعد و بقرب. بشوف الشمس من جوه ومن بره. نورهاجديد. بس مش دافيان علي طول .عشان فيه ليل و برد و قمر بيونسني . بيخليني اعيش و ارتاح و احلم بيه. بنوره جالي و استنيته كتير. احتواني و بلتفت ألاقيه. هيخطفني يشلني من همي ويخلصني من قيودي و من أحزاني.. هروحله بكل قوه.. هشوف النور من جديد من هنا وهناك.
11 comments:
مش عارفه بجدانت بتجيب الكلام الحلو ده ازايوالصورةاحليواحلي.انت بتكتب الأولوبتدور علي الصورة واللا الصورة و بعدين تشوفهاو تفكر و تتحفنا بالمشاعروالأفكار الحلوه دي؟ حقيقي الحاله حلوه قوي تحس انك عايز تقوم تعيش يومك زي مانت عايز مبسوط علي فرحان علي نبرة حزن و ندم كده المهم ان كلامك جميل.دايما علي طول.
حاسة ان فيه لسه امل أن الواحد فيه الروح اللي تقدر تعيش. الصورة صحيح معبره قوي علي الكلام و اسلوبك للفكره مع الصورة حلو بجد و شوفت انك بتتكلم علي حبيبتك اللي استنتهاو في نفس الوقت علي الأمل اللي يرجعلك حياتك و عقلك.الراجل اللي صورته في كلامك يا بخته.
انا هعلق بعدين بس انا عايزة اسال محدش شاف القمر بتاعى يا جماعه مش لاقياه في اوضتى عارفين راح فين ؟؟
لوكش استلف قمرى
وبعدين ياحمد لما انت تاخد القمر اعمل انا ايه اعشق ايه ؟؟
ابقي عاشقة ضوء البتنجان ولا اعمل زى عادل امام واحب حصان
اخص عليكو اخص مش تراعى حالتى النفسية وتسيبلى حاجة احبها
اهئ اهئ
ااااااااااااااه يا قلبي
عاشقة ضوء القمر
النور اجمل وصف ليه ....بس انا فعلا اتعذبت كتير واتجرحت اكتر وبحاول انسي لكن مش قادره ومستنيه النور يجي ويحتويني مستنيها ليس علي قائمة الانتظر موضوعك رائع يا احمد ودا مش جديد عليك والصوره كمان اروع ومقدرش اقول غير كلام جميل وكلام مش معقول مقدرش اقول حاجه عنه
لولا غياب الشمس ما كانت شمسا
ده تعليقى
وما تغيب شمس الا وبعدها شمس اخرى وما ظلام الليل الا مرحله انتقال من ضوء لضوء ومن حياه لحياه
والحياه مبتقفش على حد
ياريت اللى فهم حاجه يفهمنى
عمك سوليد
البوست رائع بيحسسني ان الأمل لسه موجود حتى لو مكناش حاسينه دلوقت ومش شايفين غير الجراح والعذاب لكن أكيد هو اللي جاي بكرة
شكراً على زيارتك مدونتي .. بجد نورت بيك
:)
كلنا هذا الذي تتحدث عنه
العذاب ......... الجرح ........ القرب ......... البعد و كل هذه الانواع من الشعور المختلفة وكثيرا ما نلجأ للوحدة و الليل والقمر لأننا نجد في الطبيعة خير المواساة و فيها من الرومانسية ما يأسر القلوب فتكون في بعض الأحيان الوحدة في ظل الطبيعة دواء و شفاء . لولا العذاب والجرح و القرب والبعد و كل ما يوجد في الحياة من أشكال مختلفةو للعذاب لما عرفنا قدر السعادة
أحييك علي هذا البوست الرائع
كل مرة أقرأها يراودني شعور ما...احساس مختلف
كنت اقرأ لكن لا اكتب تعليقي لسبب او لاخر
الان اجد في نفسي ألما
لكن لا أدري هل هذا الألم طفا علي السطح بسبب كلماتك
ام اني انا التي فسرت كلماتك تبعا لحالتي التي اعيشها الان
؟؟؟؟؟؟؟
قرأتها مرة اخري الان
واردت ان اكتب مرة اخري
نعم انتظر ذاك النور
انتظر شيئا ينتشلني مما انا فيه
ربما انتظر كلاما
انتظر لقائا
انتظر عتابا
انتظر اي شيء ينهي حيرتي
قد يكون كلا مي غير مفهوم او ليس ذا صلة بالموضوع
لكن هي كلمات طفت علي السطح
يا جماعه انا بكون في اكبر حالات الأنبساط و الفظاعه في الفرح لما بشوف كلامكم الجميل ده عن كلامي. ربنا يكرمكم.
ميرسي لشمس وdyin_soul علي كلامكم و اتمني زيارتي علي طول.
دندن: كل ده حصل من البوست بتاعي انا ماعرفشي ان كلامي حلو كده.انا كده باخد في نفسي مقلب. جميل انك تحسي الكلام ده و أكيد فهمت من كلامك حاجات و يمكن كمان انت تقصدي حاجات تانيه بس وصلي و وصل للناس شيء ما.
ضي القمر:فين تعليقك و بعدين قمرك مش هو قمري.ويا ستي لو قمري طله بتاعك انا هستغني عنه بطيب خاطر.
جاسمين: بتحرجيني كدهون يا جاسمين.. بس كويس ان كلامي بيوصل ناس لحالات زي دي او علي الأقل بيفكرهم بحالات.
يويو: يا بخته ليه هو يمكن فكرتك تكون فيها شيء من الحقيه. بس يمكن لأ خالص. ميرسي علي كلامك و لسه الأماني ممكنه
آية: كلامي مش بس فيه ندم و حزن لا وفيه زي ماناس تانيه قالت في أمل وفرح وده اللي عايزه اكتر يوصل الناس..
سوليد: ياعم بنفهم والله.. ركز انت بس
Post a Comment