صار للحياة مذاق جديد.. صار للطعام طعم. والشراب متعة. ولجسدي قوة من حديد.. أصبحتِ قطعة سكر فنجاني.إن كنت عاديا أو أجرب طقس من نظام تخسيس متعب جديد. أصبحت حلوة أيامي.. أصبحت لون طيف فريد.. جعلتني تلك الحلوة أغيَر اسلوب حياتي ، استعيد عافيتي من جديد.. أعتذر عن كوني عنيد.. عن أسلوبي في التفاهم من بعيد. فبعدما ذقت فنجاني علمت أنك ملاكي الوحيد.
13 comments:
ايه الجمال ده يا أحمد. اسلوبك والفكرة جميل و جامد جدا.يابختها اللي بتكتب فيها الكلام ده و لو مافيش واحده.. فيابختك بأسلوبكو كلامك الحلو ده. بجد بجد حلوه قوي.و انت أكيد أحلي طبعا. و بعدين رجيم ايه اللي أنت بتعمله هتروح فين بعد كده..
بس من الواضح انك كنت رايق وانت بتجهز فنجان الشاي ...واكيد طبعا كان الشاي سخن علشان كده دوب قطعة السكر وامتزجوا بعض واصبح الطعم اجمل واحلي بس انا مع جاسمين في سؤالها مجرد كلام ولا حاله عايشها علشان هنا بيفرق الاحساس
e7emmm!!!
3arsoty?!!
الله الله الله الله علي كلامك بيفكرنى بكلام كاظم الساهر
الكلام ده معناه عالى اوى واى واحدة من الجميلات اللى هنا او اللى برة نفسها تتحط في الصورة دى وتكون بالنسبة لواحد فعلا سر انه يبقي في العالم ده الاحساس ده
للاسف الكلام مش معبر عن استحسانى للكلام ده بس هو فعلا مخلينى زى ماكون شاربة كابتشينو
عاشقة ضوء القمر
أصبحتِ قطعة سكر فنجاني
جعلتني تلك الحلوة أغيَر اسلوب حياتي ، استعيد عافيتي من جديد.. أعتذر عن كوني عنيد
بصراحه روعه روعه روعه
ايه الفن والاسلوب التحفه ده
بجد وصفك ياخد الواحد
بحب قوي لما حد يوصف بطريقه تحس انك قدام الشخص ومراقبه
جميل بجد..
يا عم جاسوور: طبعا عروستي..بس انت مافيش حاجه ركبت في دماغك من كل الكلام ده. ولا حتي ان كان فيه شاي واللا نسكافيه حتي.
عاشقه:ميرسي الأول علي كلامك و يا ريت كل بنت كده تتمني زي مانت بتقولي انا مش عايز غير واحده بس تتمني لو عندك ابعتيلي. وبعدين كابتشينو ايه بس اللي يخليكي كده ده أكيد كابتشينو جامد جدا.
آية: انا رايق الحمد لله و بعدين شاي ايه اللي سخن مش بقول نشوف من فوق بلاش من تحت وسعي الفكرة شويه عشان ربنا يحبك. و بعدين قولت قبل كده مش شرط كلامي يكون تجربه عايشها او عشتها يمكن تكون نفسي اعيشها مش كده. ويمكن عايشها بس الأكيد انها حاله حلوة قوي قوي جدا.
جاسمين بالعربي: عشان نعرف نفرق الظاهر جاسمينات الحلوين بيزيدواهنا و ده مفيد جدا ليا و ليكوا طبعا..
ميرسينيا جاسمين بالعربي و بتكسفيني كده..بالنسبه للرجيمده لو كان بيعمل رجيم مش اساسي بلاش حقد بقي دانا حتي ناوي اعمل كرش الفتره اللي جاية.
jasmine: يا ستي من بعض ماعندكم ده اقل حاجه عندي علي فكرة.. ربنا يخليكي.. ابقي تعالي هنا علي طول هتلاقي شاي و نسكافيه..
تصدق اول مره اقول هنا الكلمه دى بس عشان بجد مش لاقى حاجه تتقال خصوصا بعد اللى تقال والتعليقات الرهيبه دى
مقدرش اقول غير كلام جميل كلام معقول مقدرش اقول حاجه عنه
سوليد بك
جمييييل احساس الروقان
جميييييل احساس الهدوء
قاعد لوحدك كده.. مع فنجانك الصبح مثلا... قدام الشباك اللي جنب مكتبك
بتبص منه شوية وماسك الفنجان بايديك الاتنين وتشرب بروقان يااااه
كنت محتاجة لحظة الهدوء دي جدا في وسط زحمة الحياة
اظاهر كله مركز في الشاي والنسكافيه الناس دماغه عايزة تتعمر. هيهيهي..
واحد دنيته احلوت عشان واحده خلته يشرب فنجانه بطريقه أجمل خلت دنيته أحلي.. أحمد انت كتبتالحكاية دي ازاي بجد حلوة قوي. ياتري هلاقي اللي يحس كده واحس معاه بفنجان القهوة اللي عمري ماظبط معايا انه أحلي فنجان ممكن اشربه.
يا لذيذ يا رايق 7 أب... بص هي مش أول مرة تتحفنا بكلامك التحفه ده و مش عارف انت ساكت علي نفسك ليه مابترحشي مسابقه واللا حد يتبناك تطلع الكلام ده للعالم أوسع عشان يعرفوا فنان البلوجر المنور. واللا رأيكم ايه؟
الفكرة بنت لذين بجد و جديده في التعبير يمكن عاشقه خدت كلمة سكر والفنجان و قالت كاظم بس شتان يا عاشقه كاظم يجي ايه جمب عمنا أحمد. بحيك يالوكش و صبيلي معاك فنجان معسل زي اللي بتشربه و اللا ده فنجان لواحدبس؟يا أناني. ربنا يكرمك.
وآسف علي الغيبه..مشاغل يا صاحبي.
ما أرق أسلوبك و كلماتك !
أتسأل كيف سيكون حال فتاة التي تهدي اليها مثل تلك الكلمات الرقيقة
أظنها ستكون أسعد انسانة في الوجود
سأستمتع بقراءة كل بوست من البوستات القديمة علي حدة فقد أعجبني اسلوبك من أول بوست
وفقك الله
يا نادر اولا اهلا بيك وحمدا لله على السلامة
ثانيا ده مجرد تشبيه لاثر الكلام بمعنى انى بسمع كاظم بيجيلي نفس الاحساس تقريبا بس انما احمد باشا احسن طبعا لانه هو اللى بيكتب بنفسه ومن فكره
عاشقة ضوء القمر
Post a Comment