- حلمت النهارده بكابوس فظيع صحيت منه وأنا بصرخ و دموعي مغرقه المخده.. "ياحرام".. و طبعا ماعرفتش أنام تاني بعدها لحد معاد الشغل و قمت البس.الجميل بقي اني وانا نازل الشغل قعدت افتكر فيه مش فاكر أي حاجه..أعرف سبب صريخي حتي.. مافيش ..حاجه غبيه صح.
- كنتي جميله قوي.. بجد استمتعت بالوقت القليل اللي قضيته معاكي. كان نفسي يطول طبعا بس تتعوض. فرحت لما شفتك بتضحكي كنت مش حاسس بوجع رجلي معاكي واقف ولا كأن فيه حاجه. مجرد ماقلنا لبعض سلام و كل واحد راح في اتجاهه. ألم رهيب لقيته في رجلي.روحت مش قادر و لقيت شعيرات صغيره نزفت و رجلي ورمت.يالهويي... كان يوم. بس مش هنسي فيه حلاوته معاكي والضحكه الجميله..بس بس. بس.
- وصلت لنقطه حيوية في نفوخي اللي هي: " الواحد من غير حب زي الفرخه من غير ريش، زي البطيخه من غير بزر، زي القميص من غير زراير، زي البنت من غير شعر.. يعني حاجه وحشه و خلاص "
- البلد في الحر بيبقي دمها يلطش.. بس فيه حاجات بتخلي الواحد يستظرفها شويه......؟!!
- تقولي بتحس براحه في يومك؟ أقولك طبعا ..وأنا في الحمام...
- واحد من حبايبنا..بيقولي:انت بتجيب الكلام الحلو ده ازاي بجد والله انا بقف عند كلامك بعد ماقراه كذا مره مابعرفشي اكتب أقول ايه عليه.
- فكرت مع نفسي شويه لقيتني كمان بقف قدام كلامي كتير ماعرفشي اقول ايه.كفايه انه طلع مني و كويس انه بيعجب الناس.وحلو اني لسه بقدر افكر اتخيل وأكتب.
Saturday, April 28, 2007
حبة حوار
Subscribe to:
Post Comments (Atom)
11 comments:
ياخبر ابيض ان شاء الله يكون خيرومتحاولش تفتكره دايما الحاجات الوحشة دي ننسها ومنحاولش نفتكرها صباح الخير
طبعا لازم تكون جميله طلما عنيك شفاتها كدا واكيد زي ما انت استمتعت بالوقت الصغير دا وانت معاها هي كانت سعيده اكتر وكانت مستنياك واستمتعت هي كمان معاك ام بخصوص وجع رجلك فعلاجك في مشوار قبل الاكل وبعده تمرن رجلك علي هذه المهام الصعبه
فعلا اجمل حاجه في الحياة هي الحب والانسان من غير حب مينفعش والحياة متنعيش
طبعا كوبية عصير فراوله او مانجو في الحر الفظيع دا مع نظر من الحبيب وابتسامه تنسيك الدنيا وكانك قاعد قدام اجمل منظر طبيعي من الهواء والبحر والرمله الدافيء وطبعا الوجه الحسن
ام بخصوص بالراحه في يومي بحسها واناعلي سرير بحلم احلام اليقظه اللي بختاره وبختار ابطالها
ام بخصوص الكلام الحلو فالناس الحلوه هي بس اللي بتكتب كلام حلو يخرج من القلب يروح القلب علي طول
آية المرة دي دخلت و علقت قبلي.ماشي.هعديها عشان بموت فيها.
احسن طبعا انك مافتكرتش.و يجعلها اخر الكوابيس..
ويابختها طبعا الجميله اللي كنت معاها.ويجعلنا من جميلاتك يابوحميد.بس موضوع رجليك ده شوفله علاج عشان دي مش أول مره..
البطيخ حلو من غير بزرواحنا عايزين البزر في ايه.بس فيه ناس غاويه تفتفة.. و البنات من غير شعر كتير علي فكره..هاهاها..بس طبعا انت عارف انا مش منهم.
انت هتقولي علي الحر.. و اللي بيعملوه في الحر.. بس ارحم نفسك انت..هتلاقيها هفهفت عليك..
الحمام مش بس راحه ده لو حمام شديد هيعملك جو فظيع وتحب تقعد فيه اطول من كده.
كفايه علينا انك بينا بنفسك او بسؤالك علينا او بكلامك اللي بجد علي رأي آية بيدخل عقلنا و قلنا علي طول.
طيب ممكن نخليها عصير قصب؟؟؟؟؟؟
اصل حلو وذكرياته احلي ولا إيه؟؟؟؟؟؟
لو علي الكوابيس معلش يابني كابوس وانت صاحي ولا وانت نايم يالا اهي اوقات بتكون صعبة اه بس معلش والحمد لله اهي عدت
جميل اوي انك تفتكر يوم توصفه كده وانك تكون فرحان كده
يارب كل ايامك تبقي كده حلوة
وايه حكاية رجلك دي لا ماينفعش لازم دكتور ها ولا ايه؟؟
اما عن وقت راحتك ده دي بقي حرية شخصية
تتعدد الاماكن والراحة واحدة
ههههههههههه
الكلام بقي ياااااه طالما ياسيدي انت مرتاح خلاص
كان عندي ممكن كلام يتكتب بس مش عارفة دماغي تاهت مني
صدقنى ياحمد الكابوس مش بييجي في النوم بس لكن اصعب منه الكابوس اللى تشوفو وانت صاحى
وياسيدي الحلوة تنسيك وجع رجلك ماشي حلو لكن خليها معاك لحد ما ترتاح بدل ما تاخد مسكن
الانسان من غير حب اكيد زى العرب من غير كلب وقعت منك دى هههههههه
الراحة معرفش امتى ممكن الاقي الراحة لان راحة الجسم عمرها ما تحقق راحة العقل اللى تعبه اصعب من اى تعب تانى
الكلام الحلو مالوش طريقة يخرج بيها المهم انه يعبر عن نفسه سواء كان كتابة ولا كلمة صغيرة ولا فعل ولا اى اشارة لان ساعات الصمت بيكون ابلغ من الكلام
بصراحة انا معرفش ايه الكلام العجيب اللى انا قلته ده بس مش مشكلة
عاشقة ضوء القمر
أنا جيييت..
هو الكوابيس صح زي مالناس قالت ممكن وانت صاحي و دي الأصعب..ربنا يخفف علينا..و اللي عنيها حلوين دي يا بختها بجد.. و كده انا هغير.. رجلك دي احنا جربناك و شكلك خسعت وكبرت في السن بقي..راحتك في الحمام بس قلبك و عقلك هيفضلواتعبانين لحد امتي.؟
كلامك حلو من زمان و ان شاء الله تفضل تتحفنا كده بيه علي طول و لما عرفت انك خدت جايزه علي موضوعاتك و موضوع ليك وصل للتوب 10 في سيت من السيتات بجد فرحتلك.. دايما علي طوول كده
1- الحمد لله كان كابوس استعيذ بالله من الشيطان الرجيم و متحاولش تفكر فيه
2 , 3 , 4- الحب .... أحلي و أطهر وأجمل احساس بيحسسك بوجودك في الحياة
بردو مش كفاية عالحب بس معلش تعليق بسيط
و أكيد مش هتحس بألم و لا تعب ولا أي حاجة وانت مع حبيبتك
5- ممكن بردو
6- خير الكلام ما قل و دل و انا بلاحظه في كلامك يا احمد
7-خيال و اسلوب بجد أكتر من رائع اجمل حاجة فعلا هنا ان الكلام مع بساطته بياخدك لدنيا تانية
ايه ياعم احمد ماعرفتش حاجة عن حكاية انك اخدت جايزة وكده
ايه هو احنا اخر من يعلم
؟؟؟؟؟
ميرسي يا كل من علق..وماعلقشي.اناحبيت بس اشاركم حاجات مريت بيها اشوف ايه رأيكم فيها.
جاسمين و آية و يويو و ضي القمر طبعا كالعاده بيخربشوا فيا بكلامهم.. يا فاهمني..
هبه او dyin_soul ميرسي طبعا و موضوعك الأخير جامد جدا..
دندن من غير ماتعرفي ان كسبت حاجه انت المفروض تكوني مقتنعه ان معاكوا فنان مش أي كلام.. من غير جوايز من غير حاجه..و بالنسبة للموضوع ده لينا قاعده كبيره فيه..هيهيهي
اسف على التاخير يا عم لوكش
بس ايه يا عم بس الكلام الجامد ده
اولا الكابوس ده من عملك السىء هيهيهيه
بس دى نعمه من ربنا انك تنساه قول الحمد لله
وكمان متنساش تغير المخده
الحب ده مشاعر احاسيس يعنى حاجه تتحس متتلمس عشان كده الانسان من غير حب كالبيت الخرب
طبعا ياعم الوقفه مع القمر تنسيك كل حاجه بس ابقى فكرنى اديك اسم مسكن جامد اوى بعد الوقفه دى
اسال مجرب ولا تسال طبيب هيهيهي
البلد طول عمرها تلطش
ولا بلاش.........
متهيالى انا ممكن يكون الشخص اللى سالك السؤال الاخير ده؟؟!!
سوليد
تقريبا كده يا عم سوليد..هاهاهاها
هي الأحلام كده قصدي الكوابيس الواحد مش بيفتكرها لما يصحى بس كده أحسن اصل ساعات بتلخبط مابين الحلم والواقع وبفضل اعصر في نافوخي ساعة هو اللي حصل ده حقيقي ولا كان بيتهيألي ولا كنت بحلم .. حاجة تلخبط
بس الأكيد ان الواحد من غير حب زي الوش من غير ملامح .. زي البؤ من غير سنان .. هههههههه حاجة وحشة وخلاص
وبعدين أحلى حاجة في البوست انك قلت ان احلى حاجة في كلامك انه طالع منك .. صحيح
Post a Comment